Ka pawm leh che angem?

Phuahtu: John Mawitea & Mapuii Fanai
Satu: Feli Fanai

A pawi mang e ka lungdumtu ber,
Suihlung a leng si thin;
Nang vang hian tuan zai rel hi,
A har mang e, ka ti, lungrun,
Tiang em hian ni maw ka lunglai,
I lo luah zawh tak mai le,
Lengdang zawng ka tan hian an rem thei mawlh lo,
Aw, duhlai...aw, duhlai...

Vangkhua hmunah lengin tuanna dang ta si lo chu,
Dar ang tawn chang a her chhuak fo,
Ka buai zo thin thinlai rukah,
I dawn lungruk kimte'n hriat hi,
Engtin lo ngai ang che maw?
A riang lungkham i kianga tlai ni len,
Min hriatthiam pui ve la.

Lengdang tawnah lungher tawh mah la,
Kei ariang hluan i tan zawng e,
Thinlaiah hian i hlui si lo,
Ka ngai em che, ka ngai em che,
Suihlung chhirin lam ang letin,
Ka lam lo hawi leh ta la,
Lungchim te'n, duh te'n tanglaiah,
Ka lo pawm leh che ange'm le?

I tan chauh tia rinawmin,
Ka hun leh ni ka hmangral thin asin,
Duhthu ai ang ka sam zawng,
Tawnmang iang an thamral ta,
Nang tel lo hringnun ka hmang tur,
Ka zuam mawlh lo, ka ngaingam lo,
Ngai chung zelin sam ang then nan,
Tangdang ka belh a tul ngei ang.

Continue Reading

Inchhirna (Keimah Thingtlang Nula - OST)

Phuahtu: Vanzara
Satu: Vanzara ft. Zodini

A tlai tawh tih ka hria,
Zalin i chhing tawh em?
Siar te pawn van zawl an mawi tawh e,
Ritleng dar zam palai ka rawn tir dawn e,
Anka nem chhawn a ngai lo, lo ngaithla la,
Turni leh van kawl hmu tura ka men tawh loh takin,
Ka aw i hriat tawpna a nih takin,
Zah dawn lo vin, inthiam lohna nen,
Ka ngai che tih hria la ka duh.

Ka tang i belh lai khan,
Ka kut i vawn lai khan,
Induh tawkna zawng dah bo ila,
"Ka ngai che" tih sawiin par mawi tin pe chein,
I duh zawng tihsak thin che ila,
Tunah zawng khua ka tlai tawh sia,
Tlei dang i hlimpui tawh sia,
I thinlung thawi dam nan,
Tih tur tih a sawt tawh lo,
Inchhirna zawng ka liampui ta'ng e,
Ka liam mai ta'ng e.

I la hria em, hellai nun zawng te,
Siahthing zara bela sakhming thai a;
Kumtluang i tiam a thlawn mai an chang zo ta,
Mawh thei che hianin ka mawi nem maw,
Mahriaktein kawtthler khawnvar eng hnuaiah,
A hun ngaia i lo lan hun tur thlirin,
Rawn lang tawh ngai lo tur nun,
Ka thlir reng thin che.

I tang belh lai khan, i kut ka vawn lai khan,
Induh tawkna zawng dah bo nila;
Siar lak ka phut lo, tawngkam khat a tawk e,
Kumtluanga kei min chelh ding turin.

Tunah zawng khua kan tlai tawh sia,
Min ngai lo te'n i leng tawh sia,
I thinlung thawi dam nan "tih palh" tih a tawk zo lo,
Inchhirna zawng ka liampui ta'ng e,
Ka liam mai na'ng e.

Ka tang i belh lai khan,
Ka kut i vawn lai khan,
Induh tawkna zawng dah bo ila,
Siar lak ka phut lo, tawngkam khat a tawk e,
Kumtluanga kei min chelh ding turin.

Tunah zawng khua kan tlai tawh sia,
Min ngai lo te'n i leng tawh sia,
I thinlung thawi dam nan "tih palh" tih a tawk zo lo,
Inchhirna zawng ka liampui ta'ng e,
Tunah zawng khua kan tlai tawh sia,
Min ngai lo te'n i leng tawh sia,
I thinlung thawi dam nan "tih palh" tih a tawk zo lo,
Inchhirna zawng ka liampui ta'ng e,
Ka liam mai na'ng e,
Inchhirna zawng ka liampui ta'ng e,
Ka liam mai na'ng e.

Continue Reading

A sawm reng che

Phuahtu: Lalruatfela Pachuau
Satu: Lalruatfela Pachuau, Khatla Pastor Bial Zaipawl, TBC Zaithanpuia, Stacy Punte

Hlun lo tur ram he khawvelah hian,
Hlimna zawngin i tlan thin maw?
I zawng ruai a, i tawng si lo maw?
Chutah hlimna i hmu em le?

Nitin Lapa tivui thin mah la,
Hmangaihnain a sawm reng che;
I awm ang khan a ngaidam duh che,
I nihna ang khan a nghak reng che.

Aw, ring mai la, pan mai la,
Lal Isuan a hnar lo che;
Bo tawh mahla, a ngaidam duh che
A ko a che, asawm reng che.

Engtia rei nge i bosan tawh le?
I tlai lu ta, a rei ta e;
Inhlan rawh, i tlai a nge,
A pawm duh che, a sawm reng che.

Continue Reading