29 Jun 2012

Lung ka chhir

Lung ka chhir

Phuahtu: John Mawitea
Satu: Mimi Renthlei


Aw, enga'n nang nen rem lova biathu kan hlan,
Ka dawn lungruk lairil ber ka hlan che a;
Karah selna anka zawng pawh sir ka hnawl thin,
Mahse, tunah suihlung i her si maw.

Aw, enga'n nge maw khuanu pawh hian riang tur a duan bik le?
Ka chan tawk khuarel ka tuar thiam lo, suihlung ka chhir ngei e;
I dawn lungruk ka luah zo lo, ka hai mawlh lo,
Aw, enga'n nang kher ka lo tawn che, suihlung ka chhir ngei e.


I chun leh zua lung ka dum zo lo, ka hai mawlh si lo,
Der thiam lengin i lung a dum si maw;
I chinlai zawng te selna pawh na ka tih lai a,
Tang dang i bel hi, aw, ka riang hluan e.

Aw, theih nise la nang nghilh zai rel ka nuam e,
Ka thinlai lungril a dam thei mawlh si lo;
Lungdam te'n zan mu ka chhing thei mawlh lo,
Tawn mangah tal tawn leh che ka nuam si maw.


28 Jun 2012

Lenmawii

Lenmawii

Satu: Dreamhunter

* Thinlai khamtu lenghermawi,
Thlir ka nuam i sakhmel mawi;
Rem thei si lo, biahthu hlan  che,
Thamrala'n zawng ka phal si lo.

** Zawlkhaw lenmawi, lem ang der thiam,
Ka dawn lungruk biahthu hlan zawng;
Tawnmang mawl an chang zo ta,
Ar ang ka vai, i zun leng ngaiin, i zun leng ngaiin.

*** Dawn kir ve thin che maw,
Kan lenlai ni te;
Lam ang lo let la nem te'n ka tawnah,
A dam ngei ang ka thinlaina.

Repeat *
Repeat ***
Repeat **
Repeat ***

27 Jun 2012

Di hmeltha

Di hmeltha

Phuahtu: Buangi Sailo
Satu: Tracy Zorinsangi

Ka di, ka duat, ka parmawi te,
Hmanaah khanin kan intawn mai loh le;
Vullai a vul rual ta si lo,
Sakhmelmawi, hawk tui iang a luang ral mai tur hi.

Aw, runah zal dun ila nang nen,
Sawi leh tur dang a awm tawh lo'ng;
Ih maw, Bawihte, hmangaihna hian,
Ramri a kham thei lo, Khuanu ruat.

Nang zawng duhlai, a tha mampui,
Tleitir tha leng an tuai thar dawntuai;
Duh leng i thlan, di, ka hlan che,
Hmangaih di, aw duhlai, duhluat vang che hian aw.

En nin theih loh di hmeltha,
Ka ngai em che, aw, ka ngai em che;
Parlai a par rual ta si lo,
Pialralah tal in e, vul nang ka di bawihte.

Lungdumtu, Di hmeltha, aw, hmeltha...
 

26 Jun 2012

Zan tin mangtha

Zan tin mangtha

Phuahtu : Lalnunzama
Satu: Annie Lalthankimi, Hard Ray, Rachel Lalnunkimi, Lalenkawli Pautu,

Ka hmangaihna biahthu han hlan ta ila,
Engtin min chhang ang maw, Tleitir Lenmawii'n?
Min hmangaih hian kei zawng ka ring si lo,
Len thiam a har ka ti, Nuimawi Hmeltha.

Mahse e, ka hmangaih, min nghilh bik suh aw,
Nangmah ngai a damchhung hun hmang tur hian;
Mal ka sawm che khiangawi i chan thlengin,
Dam te'n leng la, zan tin mangtha.


Hun leh ni te lo inher danglam zelin,
Kumpui sul eng zat pawh lo liam mahse la;
Ka hmangaihna a chuai dawn chuang si lo,
Ai ang i cham reng dawn thinlai rukah.

Ka hmangaihna thamral a'n ka phal ne'maw,
Mahse, i rem thei si lo maw, Lalnunnem;
Engtin tuar zel ang maw i zunleng ngaih,
Khuanu ruat loh di tawn a har ngei mai.



Ka hmangaih che

Ka hmangaih che

Phuahtu : Ronald Sangtea
Satu; C. Sanga, Emily Khawlhring

Hun kha leh chen lungchim te  ka lo nghah thin,
Ka lungdumtu ngei chu ka tawng ta e; 
Chung Khuanu venhimna zarah ngei chuan maw,
Nang ngei hi i ni, ka lungdumtu.

Lungrun, nang nen hun leh ni chhiar dun ka nuam,
Zaleng dang reng ka thlang chuang lo'ng, bawihte;
I sakhmel ka tawn ni khan e, ka chhing mitthlaa'n i cham reng si,
Ka hmangaih che, bawihte, ka hmangaih che.


Lungruka kim tea ka han dawnkir chang hian,
Lenlai rual lo hi a pawi ngei e;
Hmangaihna min hlan zawng kha kumtluang atan nise,
Lungrunpui, ka tan i hlu ngei e.

Aw, kan tuanna mual a dang si maw
Lunglen a na...
 



Maphasy

Maphasy

Phuahtu: Runrosiama (Vulmawi)
Satu: Vulmawi, Lalpanliani

Nghilh a har dawn mang e,
Hlim te'n kan nuih dun lai kha;
Hmangaih biahzai nem te,
Dam te'n mi hlan maw?

Maphasy, Maphasy.

Suihlung ti leng zual mengmawi i anka,
Dar ang tawn ni her leh se;
Chhimtuipui ral ka kai thlengin,
A cham reng thin ka thinlaiah;
Nghilh rual loh i anka nem te.

Maphasy, Maphasy.

Dar ang tawn leh ni tur,
Ka dawn vel mittui nen;
I hlim thla mai maw ka chan,
Ka ngai thiam ne'maw.

Maphasy, Maphasy.


Tuar hram hram ang

Tuar hram hram ang

Phuahtu : Lalzidinga
Satu : Lalpanliani


Tuantul vangin lenrual lungduh te sam ang kan inthen a,
Mualzapui dan kar hla atang hianin;
Dar ang tawn leh ni her thuai se tia nghakhlel tak a,
Duhthu ai ang ka sam changin luaithli ka nul leh thin.

Aw..haw..lenrual lungduh zawng te u,
Tuar hram hram ang aw, suih lunglen hi;
Hmatiang kawl eng tur thlirin,
Chhel takin thawk zel ang aw.


Thaikhawi hmanga biahthu kim tea kan hlan thin zawng te khan,
Tizual si thin lenrual ngaia lunglen hi;
Biakfung chawiin anka nem dam te'n inchhawn thin mah ila,
Aw, a nem thei mawlh si lo sakhmel intawn loh chuan.

Lam ang let a kir leh zai reng hian an mawi si lo,
Chhingkhual an chan chhung a rei dawn mang e;
Dan rual anni si lo, raltiang an kai zel e,
Dar ang tawn ni herchhuak leh ang maw?

Kar hla lenrual lungduh zawng te u,
Tuar hram ang hreawm leh lunglen chu;
Hmatiang kawl engtur thlirin,
Chhel takin thawk zel ang aw.
Hmatiang kawl eng tur thlirin,
Chhel takin, aw, chhel takin.



17 Jun 2012

Chawl lova fak che ka duh

Chawl lova fak che ka duh

Phuahtu; Upa C Ropianga
Satu: Baby,Mafaki & Larry

Ka damchhung ni zawng hian ka chhandamtu,
Nangmah nen lengdun thei ila chuan aw;
Chu aia thlakhlelh tur thil dang reng an awm lo,
Nitin in i aw min hriattir thin la.

Tuipui sen an kana zawlnei Miriami a lam ang leh,
Thuthlung bawm in Jerusalem a luh ni a;
I hmaah Israel te lal a lam ang khan,
Chawl lova fak che ka duh min hmangaihtu Lal Isu.


Harsatna tui fawn te ka dai lai hian,
Mangang in tanpuitu ka zawng thin a;
Tuite min daikai pui turin Lalpa nang in,
Min chelh la ka ban ah min kai ang che.

Nakin ah chatuan khua a var anga,
Khitah khian kan lei hringnun ngai lova;
Lallukhum khum tur a ka hming an lam hun chuan,
kalvari hnehna hlamawi ka sa ang.


5 Jun 2012

R.M Khua ka tlai hma hian

R.M Khua ka tlai hma hian

Phuahtu: F.Lalnunfima
Satu: Lalrinmawii London


Run hmun mahten nghah chang in,
Miten an sawi hmangaihna;
I tawn ah ka dawn lungruk,
Hlan che ka nuam ngei e.

R.M khua ka tlai hma hian,
I dawn lungruk ngei chu;
Ka ngen che aw min hrilh rawh.


Mite chu kawp lai di nen,
An leng e vangzawl mawiin;
Ngaihlai ti chung zel hian in,
An hlan e biahthu di.

I tawn ah ka dawn lungruk,
Hlan che ka nuam ngei e;
Nang nen a hlimlai ni te,
A thiang a hmang dun turin.


Nem ten min chawi ang che

Nem ten min chawi ang che

Phuahtu & Satu: Laltanpuia Tochhawng, Ruati Liankhum

Mah te'n lunglen tuar ka zuam ne'maw,
Min dawn ve hian ka ring si lo;
Kei zawng, bawihte, i zun ngai hian,
Tlai ni ka leng zo lo.

Nghilhni i awm thei hian ka ring ne'maw,
Ka ngaiber che, thuva iang zaidam nunnem;
Aw, vawikhat tal i hmangaihna,
Min hlan ve dawn lo'm ni?


I tan ka tling lo tih ka hriatin,
Biangah mittui a lo luang a;
Phu loh zun ngai tur reng hian maw,
Khuanu'n mi lo siam le.

Tinkim dawnin thinlai a phang thin,
Lungchim te'n thinlai a dawn hian;
(Aw) Lengdang tan zawng ka phal lo che,
Ka hmangaih che vang hian.

Ka duhna chu ti hian dawn ve la,
Hei chauh hi zawng a tawk ne'maw;
I thinlai ruk hmangaihna chuan,
Nem te'n min chawi ang che.




PARTIN VULNA RAMAH

PARTIN VULNA RAMAH

Lettu: Frank Lungngailova Colney
Satu: P.C Vanlalhriati (Tenui), Robert Lalremruata, Dawrpui Vengthar Pastor Bial Zaipawl

Van khawpuiah ka kal thuai dawn,
Rangkachak tual nuamah chuan;
Nunna thing parvulna ram leh,
Partin chul lohna ram chu.

Hetah reilote an parvul,
An mawina a chuai si thin;
Van khawpuiah ka kal thuai dawn,
Partin vulna ramah chuan.


He lei hi zawng tah leh rumna,
Sual thiltihtheihna ram hi;
Reiloteah ka chhuahsan dawn,
Partin vulna ramah chuan.

Lenrual lungduh kal hmasa te,
Puanvar sinin tual an leng;
Nghakhlel takin kei pawh min hmuak,
Partin vulna ramah chuan.

---
He hla hi a saptawng in 'where the roses never fade' tih a ni e.
 
 
Ka buaina ram thlaler

Ka buaina ram thlaler

Phuahtu: Rev. Kawlthawma
Satu: Bawngkawn Pastor Bial Zaipawl

Ka buaina ram thlalerah hian,
Ka Lal, ka tlantu hmel duhawm;
Luiral a buatsaih ramte nen,
Ngaiin ka lung a leng mang e.

Chu ram mawiah ka chawl ve ang,
Lalpa chenna ram mawiah chuan;
Ka chawl ve ang buaina piahah,
Ka tan chatuan ralmuannaah.


"Hmun ka siam dawn," Lalpa'n a ti,
Ringtute lawma an chawlhna;
Ka ngai lo vang ka khawvel nun,
A buatsaih ram ka thleng thlen hun chuan.

Leiah riangin hmun nei lo vin,
Thlaler hrehawm hrut vel ila;
Lalpa'n ka tan a buatsaihah,
Ka chawl ve ang luipui kamah.

Aw, i zai ang Lalpa fakin,
Beram no thah, tholeh-a chuan;
"Ka lo kal leh ngei ang," a ti,
Lawm r'u, lungngaite lawm rawh u.

 
- Mizo khawhar hla -
PUANVAR SINTE

PUANVAR SINTE

Phuahtu: Sanglianthanga
Satu: Bawngkawn Pastor Bial Zaipawl

Khawvelah hian ringtute chuan, 
Harsatna kan tawk thina;
Kan tan chuanin lei mawina ten,
Awmzia reng a nei si lo.

    "Heng puanvar sin hi tute nge ni?
    Khawi atanga lo kal nge?" tiin min bia a,
    Heng mite hi hrehawm tam tak tuar tu te kha an ni,
    An puan te Beramno thisenin an su fai sia.


Ka lei hringnun a ral hunin,
Lal hnenah ka thlen hun chuan;
Ka lungngaihna zawng zawng te chu,
Aw, ka Lal ka hrilh ve ang.

Ka mit ata mittui zawng zawng,
Min hruk hul sak hun chuanin;
Nunna thing chungah ngei chuanin,
Thu ka nei ve tawh ang a.

Lei hrehawmah leng mah ila,
He lei ram mi kan ni lo;
Kan ram hlun tur Lal ram ropui,
Aw, ngaiin ka rum vawng vawng.


-mizo gospel lyrics/mizo lyrics/puanvar sin


LO HAW THUAI THUAI

LO HAW THUAI THUAI

Phuahtu: Lianthangpuia
Satu: Lianthangpuia , R Lalruatkima, C Lalnunsanga, Ruati Liankhum & Marina V. Varte
 
Aw, ka dawn ngam lo ka nu, vawiin ni len chu,
I tel lo chuan e, ka nau a tlei thei si lo;
Ni chhun tluana awiin e, tangah ka vuan a,
Mahse, ka hnem zo lo ve hnuntui ngai a lo tap e.

Lo haw thuai thuai, lo haw thuai thuai,
Tlangah ruahpui a sur e, sakhi lam peng rawn zawh la;
Lo haw thuai thuai ang che,
I chawilai nau a tap e, ka nu, ka nu, lo haw thuai thuai.


Mahse, tuantul vang hian maw kir zai i rel lo,
Kan sawmfang hmun lam zawhin liamzai i rel a;
A ngur nun iang kan len nan min hmangaih vangin,
Hrailengte pawh chawi lovin min liamsan chhunni tinin.

Puan ang hnawl ve ka nuam e, aw, theihchang ni se,
Ni tina min liamsan hi banzai rel tawh la;
Min awm la i chawi lai nau, a ngur nun iangin,
Chutin maw i hrailengte thinlai tui ang a dam ngei ang.

Mahse, theih chang si lo maw ni tin run mawi chu,
Tuan a tul e sawmfang hmun, aw, chhun ni tinin;
A dam kan hauh zel ang a chung Khuanu zara’n,
Sial ang ka seilen hun chuan hahdam ni i tawng ngei ang.


NUNHLUI TAHNA

NUNHLUI TAHNA

Phuahtu: Edward T.C Hrangate
Satu: Lalhungchhungi Pachuau, Siamthangi Hauhnar, Rebek Vanlalpeki Sailo, JRM

Ka ngai ka rual duhte khawvel thenna ramah hian,
Thenna kawl a lo herchhuak;
Dawn chang ni hian ka ngai nunhlui liam hnu,
Kohkir theih chang si lo.

Aw, ka ngai, nun hlui zamual liam hnu,
Hmanlai an chang ta maw?
Dawn chang ni hian ka ngai nun hlui liam hnu,
Kohkir theih chang si lo.


Lei hringnun dawn changin duhaisam kim thei si lo,
Hlimni kawlah liam leh thin;
Damchhung nite a inher danglam zel a,
Chungkhuanu ruat a ni.

Hmanlai chang turin ni leh thla, kumpui an her,
Hai ang kan tar hun chuan
Kan la ngai ngei ang par ang kan vul lai ni,
Tahkhua a sei dawn ngei.

RAM LEH HNAM DIN CHHUAHNA

RAM LEH HNAM DIN CHHUAHNA

Phuahtu: Sanglianthanga

Khawvelah hianin ringtute hian
Eng nge mawhphurhna kan neih le?
Krista rawngbawl chauh mai lo hi chu,
Tih tur dang reng reng kan nei si lo.

Lalpa rawngbawl duh lo hnam leh ram chu
An la boral dawn si a;
Ram leh hnam dinchhuahna bulpui ber chu
Krista Chanchin tha hril hi a ni.


Kan awm dan leh kan chet zia te hian
Krista chanchin hril ila;
Krista hming timawitu nge kan nih a,
A timualphotu mai mai zawk le?

Khawvel sum leh pai hausaknate hi,
Rei lo te a’n a la ral ang;
Mahse Isua Chanchin tha hriltute chu,
An nung reng ang a, an boral lo vang.

Ram leh hnam hi i hmangaih a nih chuan,
Krista Chanchin tha hril mai rawh;
Ram leh hnam hmangaihtu tak takte chuan,
Krista Chanchin hi hril zel rawh u.




Beram no kan fak ang

Beram no kan fak ang

Phuahtu: El-Bethela
Satu: Bawngkawn Pastor Bial Zaipawl

Mi thianghlimte lenna Beram no khawpuiah,
Ka tlantu hmel duhawm ka hmu ang, lawmtakin;
Chutah buaina leh sualna vanga ka rumna zawng,
Ka chhandamtu hnenah ka thlen ang.

Chatuanin, aw, ka fak ning lo'ng,
Chutah van angel leh serafim zawng te nen;
Hlimtakin kan leng ang, thlarau chawlhna ramah,
Chatuanin Beram no kan fak ang.


Beram no thisen hlua tlansa te zawng chuan,
Chatuanin hlim takin Chhandamtu chu fakin;
Lungngaih buaina leh hreawmna tuar tawh lo vin,
Chatuanin Beram no an fak ang.

Chatuanin chu ramah hmangaih lungduh te nen,
Hla mawi ropui remin bang lovin kan fak ang;
"A thianghlim e," tiin chhun leh zan chawl lovin,
Chatuanin Beram no kan fak ang.




EMAU DAI REH

EMAU DAI REH

Phuahtu: Rev. Vanlalzuata

Emau kawng dai reh leh khawhar taka,
Khualzin pahnihte khawhara an kal laiin;
Tlaikhua a lo ngui, zanthimin a nang dawn a,
Isua an sawm tlaikhua varpui turin.

Kan hnenah awm ta che, khua a tlai dawn ta e,
Tlaini kawlah a liam dawn hi,
Tlaikhua i var za ang Emau dai rehah hian;
Chhunni a liam zanthimin min nang si.


Sawmtute hnar ngai lo Lal Isua chuan,
Tichuan an hnenah chengin a awmpui ta a,
Thlamuanna reh thei tawh lo chu hnutchhiahin,
An hnenah chengin a awmpui ta a.

Keipawh tunah ka sawm che, Lal Isu,
Ka khawvel damlai ni a tlak hma ngei hianin,
Min awmpuiin tlaikhua min varpui ve la,
Ka thlarau, lo nghak rawh i Lal Isua.



Saw tlang romei zing ri riai hnuaiah sawn

Saw tlang romei zing ri riai hnuaiah sawn

Phuahtu: RTC Lalduhawmi
Satu:  RTC Lalduhawmi

Saw tlang romei zing ri riai hnuaiah sawn,
Laitual an leng, thisen hlu a i tlansa te;
I chhandamna thu hrilhtu tur an awm lo,
Thimah an leng nangmah lo vin,
Chatuan eng hi eng nge a nih an la hre si lo.

Muangin an thu, thlan thim panin an liam mek (2)
 
Chanchintha thu hrilhtu zawng zawng te hian,
Kan ngawih bo pui, kan thut bo pui em ni?
Chanchintha eng dawng lo an va tam em!
Nang leh kei hian Lalpa hmaah,
Thiamthu sawi mai hi kan lo tum dawn em ni?

Engtin ngai maw? Engtin chuan min ngai ang maw? (2)
Tute nge ka tirh ang le? Tute nge ka tan kal ang? (2)
Tute nge ka tirh ang le? Tute nge ka tan kal ang? (2)


Min ngaidam ang che Lalpa

Min ngaidam ang che Lalpa

Phuahtu: C Lalzuia
Satu: C Lalzuia, RTC Lalduhawmi

Ka rilru, ka taksa, ka ngaihtuahna thinlung
Ka hun hlu neih zawng leh ka vanglai nite nen:
Ka Lal tan hmang lovin, khawvel chu chenin,
Hlimna, lawmna, muanna a awm chuang si lo.

Min ngaidam ang che Lalpa, min ngaidam rawh,
Ka vahbo san rei em che I tan ka nung ngai lo;
I hmel eng ngei kha Lalpa, min hmuhtir leh la,
I angchhung muannaah khan min chentir leh ang che.


Ka tana I thatna, min khawngaih, lainatna,
Ka thinlung chhungrilah hrereng mah ilangin;
Ka Lalpa i duhzawng thiltih ka nei lo,
I tana nung turin min hruai leh ang che.


Khawvel hlimna ka ngai tawh lo'ng

Khawvel hlimna ka ngai tawh lo'ng

Satu: RTC Lalduhawmi

Khawvel hlimna ka ngai tawh lo'ng,
Ka kalsan tawh dawn si;
Ka nunah hmun a chang tawh lo,
Krista'n a luah zo ta.

Khawvel hi chuai mahse,
Lalpa'n min tiam ram chu;
Chang turin chhel takin,
Ka bei zel ang.


Khawvel ata ka lo hrang ta,
Chhamdamtu zarah chuan;
Khawvel ka hawisan tawh ang,
Ka then tawh avangin.

Ka ngai tawh lo'ng khawvel hlimna,
Min hual vel thin mahse;
Nunna kawng chu ka pan a,
Ka tan kawngdik a ni si.

Tumah dang kan ngai lo

Tumah dang kan ngai lo

Phuahtu: R.Vanlalzauva
Satu: Nancy Zothanmawii


Lei kum leh ni her liam zel kar ah,
Mihring in mamawh nei zel mahse;
Tawp lova Krista zirtirna chang tute tan,
Mihring zirtirna reng kan ngai lo.

Tumah dang kan ngai lo,
Zawlnei dang puan sak reng kan ngai lo;
Chatuana puithiam Krista chu,
Ka nun hruaitu a ni.


Mite hrilh leh dilsak mamawh te,
An hnenah Krista in puang reng chu;
An nun atan a tawk reng a ni tih hria se,
Mihring mamawhna reng an nei lo.

Engtinnge lawmna nun i neih ang?
Lalna leh thuneihna te zawng zawng;
Krista hnen thleng lova mihring te i pek chu,
I Pathian i biak ngei a ni si.

Khawvel buaina in min chimphak lo,
Buaina piah Krista a cheng ka ni;
Vaivuta kir mai tur ka tisa awm mahse,
Ka nunna tuman an hmu phak lo.


Khuanu leng ruat loh di

Khuanu leng ruat loh di

Phuahtu: Lalruatfela Pachuau
Satu: Mimi Lalzamliani
 
Khuanu leng in a rel sual nge,
Kan hun tawn zir loh vang zawk?
Luahtirh di ni siin sam ang kan lo inthen,
Khuarei kum tam liam mahse ka hril dawn;
Hmana kan nunhlui, tu dang ngai lova hlimte'n lenlai.

Hun leh ni liam in kum tam vei mahse,
Ka thinlai dawn lungruk a'n an liam ve lo;
Khuanu leng ruat loh di,
Enga'n dar ang kan in tawn le?
Tun hnu lunglen tur dawn lo reng a.


Hlimte'n nang nen kan lenlai khan,
Khuanu leng ruat loh tur a'n;
Ka lo ring ngai lo, ka ring phal thei lo che,
A pawi em! a pawi ber mai! tawn loh kar rei luat vang a,
Duhreng chung a sam ang then i tul ta si.

Mahse, tunah zawng maw di hlui,
Hrai duh leng i chawi tawh a;
Suihlunglen biahthu hril dun a mawi tawh lo,
I thaileng nen chuan fanau maltluan chawi dun turin,
Duhsakna sangber ka hlan nawn leh che.

Chantawk khuarelah lung reng a awilo,
Hmangaihna hi kan tahpui reng dawn em ni?
Sakhmel in di lo mahse rauthlaleng tal a in di ve in,
An sawi pialralah tal leng dun ang aw.





Chhunni a rei mang e

Chhunni a rei mang e

Satu: Lalrindiki Khiangte (Daduhi)

Lung ka vai khua hmun loh di neih chu,
Riakmaw iang kaina run ka vai e;
Awm khawhar hnemtu an awm si lo,
Mite zawng kawp te'n di nen an leng.

Aw, kan nunhlui kim te'n ka dawn,
Hlimte'n buan ang min pawm lai
Khua hmuna leng mah hian, bawihte,
Intawnni an nghakhlel thin a.


Kei ka lenna mualzapui kar dan,
Suihlung leng chuang hian ka mawi asin;
Min dem lul suh, di ngaia ka tah,
Zunleng ngaih hi kei zawng na ka ti.

Turnipui kal lai a chawl em ni?
Lungdi ngaih luat vang zawk nge ni le?
Awmkhawhar chhun ni a rei mang e,
Chhawrthla eng tur pawh ka dawn ngam lo.




Zonunmawi

Zonunmawi

Phuahtu: Zirsangzela Hnamte
Satu: Zirsangzela Hnamte, Joseph Zaihmingthanga

Lenrual te u, i dawn chiang ang u, kan nun hi,
Kan pi leh pu nundan mawi kan chhawm kha;
Tlawmngaihna hlu, rinawmna leh,
Thudik tana huaisenna te'n tunah mual liam tumin;
Phurhhlan an siam tak hi.

Zonun, Zonunmawi,
Tap tapin ka au ding zo si lo;
Aw, Zonun, aw, nun mawi,
Liam lovin la cham rih hram rawh aw.


Tu nge dik lo tia zawng buai mai mai lo vin,
Keimahni theuh inenfiah zawk ila;
Kan Zonunmawi, kan hnam pangpar,
Kan ram riang te ti nuamtu kha;
Kan tlang ram mawiah hian i vul tir leh ang u.

Kan Zonunmawi chul hnu par ang lo vul leh nan,
Nang leh kei hi kan pawimawh ber si a;
Mizo nih mai hi a tawk lo,
I ram hmangaih mai hi a tawk lo,
I nunah 'Zonunmawi' inlar chhuak ngei rawh se.




LEI MAWINA THINLAI TIHLIMTU

LEI MAWINA THINLAI TIHLIMTU

Phuahtu- Rokunga
 
Aw, khawvel puang anga chul tur hi,
Tinkim dawnin han thlir ila;
Aw, hringnun par anga vul thin hi,
Hma te’n zamual a liam tur chu.
      
Aw, lei mawina, thinlai tihlimtu,
Zantiang chhawrthla leh siar eng mawi;
Aw, zing eng mawi leh tlaitla eng mawi,
Damlai khuavel nun khua tinuam a’n lo vul rawh.

Tlang sang thing zar mawi leh phai zawla,
Suanglungpui leh luipui luang ri;
Van rang chhum leh thlifim leng velin,
Khawvel mawi hi hla mawi an pe.

Khua thal lenkawl ni chhuak eng rii riai,
Tuahpui par leh vau, phungchawng par;
Chungtiang len thiam kawlngo thla khawng ri,
Lei rawngbawl kum siam an lo ni.

I mawi mang e, piallei kan chenna,
Rianghlei tan par ang vul ve la;
Tah lai ni kawlkungah liam zelin,
Hlim lai ni par ang vul rawh se.


Par Mawi Thang Vulna

Par Mawi Thang Vulna

Phuahtu: Liandala

Kan tlang ram par vulna,
 Thal khua eng riai romei karah;
 Lenkawl turni nem duai,
 Zai tin ri mawi an chiar nghian e.

      Phunchawng, nauban, ainawn par,
      Tuah, vau, chhawkhlei, senhri par;
      Chawnpui, pang, samtlang, dingdi,
      Par mawi thang vulna, Zoram hmun zauvah.


Fan changin tlang lian te,
 Lungleng kan uai par zun lengah;
 Chhuahtlang lamtluang zawng leh,
 Thing tin rihnim parin a bawm.

Chhaktiangan par an vul,
 Chhawkhlei, ainawn, chawngtlai, hawilo;
 Phunchawng pui phai bawmtu,
 Thingsir leh mualhawih, chawnpui par.

Thinlai hnem par lawmna -
 Zozam, chuailo, derhken, arkhuan;
 Chin par mawi thang vulna,
 Ram bukthlam leh run in sumtual.


Ro min rel sak ang che

Ro min rel sak ang che

Phuahtu: Rokunga

Aw, Nang, kan Lal, kan Pathian, I hming ropui ber se,
I hmaa kan lo kun hian, kan dil ngaithla ang che;
Kan awmdan tur ngaihtuaha mipui kan inkhawmin,
Finna ropui min pe la, ro min rel sak ang che.

I finna leh theihna leh I hruaina lo rengin,
Ropuina leh lalthutthleng, an ral leh thuai si thin;
Nang erawh chu chatuanin hnamtin tan kulhpui nghet,
Lalberte Lalber chuanin, ro min rel sak ang che.

Chuvangin, aw, kan Pathian, hei hi kan dil ber che,
Kan ram, kan hnam min hruaia'n, nang chauh kan thlang a che;
Chhung lam leh pawn lam hmelma, indona thleng mahse,
Hneh zel turin min pui la, ro min rel sak ang che.
 -----

(He hla hi Mizo hnam hla ti a sawi thin a ni)


Jail run thim

Jail run thim

Phuahtu: C Durthanga
Satu : Lalthansanga Ralte

Kumsul mah vei se hlei ten kan nun a dang lo,
Aw, ka ngai lungduih zawng nen lungruallai ni;
Mahse, tunah ar ang kan lawi na run ve kha,
Ka dawn hian lung reng a awi thei dawn lo

    Eng tikah her chhuak ang maw hlim ni tur,
    Hei hi chantawk khuanu ruat em lo ni?
    Ka zuam lo kumtluang a jail run thim nghah reng chu,
    Sual leh thim lal nunrawng te an leng si.


Aw, ka pian na Zoram tan a tuar lai ni te,
Hlim te'n lenrual te nen chengrang chawiin;
Hmelma doral lo lian kan tawn ve lungrual te'n,
Ka ngai thin lenrual lungduh then hnu te.

Lalpa, i malsawmna ka tawnah han vur la,
Hlim te'n lenrual zawng te nen in tawng lehin;
Kan Zawlkhawpui tualah nau ang a nui lehin,
Tichuan, tah leh rumna hi a bo vang.

*Mp3 ngaihthla duh tan hetah hian click rawh-> Jail runthim
Aw Ngaihzual

Aw Ngaihzual


Satu: Lalthansanga Ralte

Duh leng ai ang sam in nang ka thlang thin che,
Kumtluang kha chen kha i sulhnu ka zui;
A tha val lengdang tawn ah suihlung lam ang her leh in,
I zun leng ngai kei chu riang min hnawl e.

    Aw Ngaihzual..Aw Ngaihzual,
    Rairah riang an ka cho rual loh rualkhumi;
    Chun leh zua chawi loh senlai nau ang a riang min tah tir,
    I zun leng ngai kei chu riang min hnawl e.


Kum tluang hruai ang a sei tur ka ngai ngam lo e,
Khiang awi a mi thai i chang mai tur;
Rairah ka va riang dawn rem! ka thinlai hlei te'n a dang,
Chuang lovang Mi chun i chan thleng pawh in.

Khuarei sakhming thangthar nun a par ngei ang,
Thal favang romei a zam kar ah;
Rauthla leng ka tawng lo che, awmhar mahriak ten ka vai,
Zarva lung rual ten thlang zai an vawr na.

I zun ngai nau ang ka tahna tlang li liai
Fan chang in  suihlung  a leng zual thin;
Kumsul hai lo te'n thing ltin an lo par vul leh ang a
Aw...a bang thei lo, engtin nge lunleng ka lo tuar ang le..

    Chun leh zua chawi loh senlai nau ang a riang min tah tir,
    I zun leng ngai kei chu riang min hnawl e.



*Mp3 Ngaihthla duh tan he tah hian click rawh->Aw Ngaihzual



NI TLA NGAI LO ZION KHAWPUI

NI TLA NGAI LO ZION KHAWPUI

Phuahtu: Rev.Lienrum (late)
Satu: Lalruotmawi

Ni tla ngai lo, Zion khawpui,
Ngaiin ka rum, ka tap chhun ni tinin;
Puan ropui sinin an leng tlan sate,
Ka tan hmun a awm ve'm chu ramah chuan.

    Ka va ngai em!,  ka va ngai em!,
    A hmun ropui, a mawina zawng aiin;
    Hmangaihtu, Lal Krista hmel duhawm chu,
    Hmuh ka nuam ka lungkham banna turin.


A mawi zia sawi sen loh ram chu,
Thisenin a hawng ta, zalenna ram;
Ka thlarau, chu ram mawlh chu zawng ve la,
Khawvel ram zawng a la chuai dawn a ni.

Lungduh chhandamte lenna hmun ,
Thlentheih loh ka hlau mang e, Chhandamtu;
Thisenin min sil la, Thlarauvin min hruai se,
Lal lunghnem ram mawi chu ka ngai mang e.

Krismas kawr mawi

Krismas kawr mawi

Phuahtu: Reckson VL.Pachuau
Satu: Gracy, Debbie & Joseph Zaihmingthanga, Ticos Dara, Esther Hnamte

A mi zaleng zawng te'n,Lal chibai buk turin,
Neihlung an khawng e, vangkhaw mawiin;
Naupiang lawmna thilpek inhlan tawnin,
Chung Pathian lung dum zo tur renga'n.

Mahse, a riang hluan e, zua tel lo hrai chawi chu,
A vai ruai e maw, vang khawpuiah;
A neih ro sum tlem te chu rawn kengin,
Dawrkai pa hnenah ti hian a sawi.

    "Ka pu, he kawr mawi hi engzat man nge?
    Ka nu pekah ka duh a sin;
    Luaithli a nul fo rei tak chhung chu,
    Ka chunnu lung lawm a kim ve nan,
    Ka neih zawng hi ka hlan a che
    Min lei tir rawh, cheng sawmin"


Thinlaina chhun ang nain, dawrkaipa biangah chuan,
Khawngaihna mittui a luang chhuak ta;
"Mama, hei hi nang leh i chunnu tan,
Nei ang che, eng mah reng a ngai lo."

Chawlh zai reng rel loin hlimtakin a tlana,
A chunnu kiang a thlen meuh chuan;
Lawm avanga  chhingmittui far chungin,
"Hei, a nu, i krismas kawrmawi tur."

Hringnun hi a mawi thin e,
Hmangaih leh duhsakna luipui ang in luang zel se la;
Krismas ni lawmawm lo thleng ngei pawh hi
Hmang ang aw, duhsak hlanna a tan.


Ka theihna a tlawm

Ka theihna a tlawm

Phuahtu: Buenglienkung

Lalpa ka chakna theihna tlem mahse,
I rawngbawl ve turin mi ko si maw;
Chhuan tur leh phen tur dang reng ka neilo,
I chanchingtha chauh hi ka chhuang zawk ang.

    Ka theihna a tlem(3)
    Aw Lalpa.


Thlarau bo tam tak boral tur hi,
I phal lo Lalpa i hmangaih an ni;
Mahse hriltu tur an in daih silo,
Lalpa min hmang rawh kei ka kal ang e.

    Tanpui tu an au(3)
    Boral mek ten.


Sulrul leh tuiek eichhiat theihna ah
Nangma tan i ro te khawlkhawm suh la;
Vanah tuiek eichhiat theih lohnaah,
Khawlkhawm zawk la lawmin i khat ngei ang.

    I chhang dawn em le(3)
    Kohna rawl chu.


Lalpa ka theihna hi a va tlem em
Kal chhuakin ka hril thiam ve si lova;
Ka neih chhun tawngtai thilpek ka hlan che,
Ka theihna ka pumin ka rawn hlan e.

    Lalpa min hmang rawh(3)
    Rawngbawl turin.
A lo her chhuak leh dawn ta

A lo her chhuak leh dawn ta

Phuahtu: Roliana Ralte
Satu: PC Lalremruati, Zoramchhani & Mizo Vocal Band, H Vanlalhlana, H Lalremruati (Maruati Hnamte)

Hun leh ni te an her liam zel a,
Sikni eng mawi  alo lang leh ta;
Parmawi tin an vul, sirva lungrual nen,
Lal pian hmuah zai an rel em ni?

    En teh, a lo her chhuak dawn ta,
    Mitin tana hlimna tur chu;
    Fam ngai, khawhar, mangang te Lalpa,
    Min hnemin min awmpui ang che.


Hmanah chuan lenrual lungduh te nen,
Fak hla saa tlai khuavarin;
Hlimni ral tur ui em emin,
Lal lo piang hlim te'n kan lawm.

Theih chang se, chhungkim lungduh te nen,
Lal piancham lawm ka nuam e;
Suihlung ruala hlimzai vawrin/tlaikhua varin,
Thinlai ruk lawm a kim ngei ang.

Mahse, reilo tea'n i/a ral leh dawn,
Hringnun khua a har leh ngei dawn;
Nun hlui, kum hlui chang leh mai tur,
Engtikah tawng leh che i maw?

Inkhawmpui tiak tawh ngai lohna

Inkhawmpui tiak tawh ngai lohna

Phuahtu: Ng. Lalhmangaiha

Thenna ram khawvel hreawmah hian,
Tapin lungduh lenrual kan then leh thin;
Khawpui hlun ram mawi kan thlen hunah,
Luaithli nul inthen a bang tawh ang.

Chu khawpui mawiah tlansa te lennaah,
Inkhawmpui tiak tawh ngai lohna ramah;
In ka nei tah chuan, Chhandamtu buatsaih,
Inkhawmpui tiak tawh ngai lohnaah.


Hmangaihte tapin then mah ila,
Lawmna te'n mual min liamsan mahsela;
Leiah chantur nei lo mah ila,
Khawpui hlun rammawi ka tan a awm.

Chhandamtu, i hnen ka thlen hun chuan,
Harsat, mangan, buai a bo tawh ang;
Lungngaihna chhum te'n min chim tawh lo'ng,
Khawpui hlun ram mawi ka thlen hun chuan.






Ka hmangaih Isua

Ka hmangaih Isua

Satu: V.L Neihthangi (Nunui), Sailo Lalsangzuali

Hei a ni ka hla thar chu,
Malsawmtu aiin malsawmna ka duh a;
Hmangaihtu aiin ropuina ka thlang thin,
Min ngaidam ang che Lalpa,
Engkim aiin ka duh che.

Ka hmangaih Isua rosum zawng aiin,
Hmangaih zual zel ka duh englai pawh in;
Ka thinlung zawng leh theihna zawng in,
Ka hmangaih Isua khawvel mawina zawng aiin.

Tunah chuan ka lo hre ta,
Lei rosum aiin ka thlang zawk malsawmtu;
Ka hmangaih Isua leiropui na aiin,
Fakin ka zai zel tawh ang,
Ka tan engkim a ni si.


LD hmeltha

LD hmeltha

Phuahtu: CFL Hmingthanga
Satu: CFL Hmingthanga, Zomuanpuii, Ruati Liankhum, Lalbiakhluni Colney, H Vanlalhlana

Kan hlimlai ni a liam mai tur hi,
Ka phal lo, aw ka Di, nang ngaih lai;
Eng biahthu hriain nge maw suihlung i her tak?
Aw, ka ngai em a che, Luah loh L.D hmeltha.

I mawi chuang bik asin, i lenrual zingah hian,
Fur khawthiang chhawrthla eng i iang e;
Ngaihnobei chuang hmangaih par ka thliah pui si lo,
Aw, ka ngai em a che, Luah loh L.D hmeltha.


Kan runah nuthai chan min tiam a,
Kan silh leh fen ang fen min tiam a;
Lianchhunga leng ka phu loh val i tawn vang a,
Suihlung min hersan hi tuar a har, na ka ti.

Hmangaihna chhingmit del vang em ni?
An hai lo lengzawng te'n kan nunhlui;
Kan hlimthlaa suihlung kan rual lai ka thlirin,
Ka tuarzo dawn ne'maw, Luah loh L.D hmeltha.


Teuh lo mai

Teuh lo mai

Satu: H.C Lalsanglura

Eng kan ti ta nge ni le?
Zofa leng zawng te;
Thianchhan thih ngam mihuaisen,
Sahrang hma a zam ngai lo kha;
Sual na doral tawn ah,
Kan zam mai dawn em ni le?

Teuh lo mai, a teuh lo mai,
Kan zam mai dawn lo Zofa;
Doral leh sahrang hma ah,
Zam ngailo val kan ni lawm ni?


Thlir in han hawi vel ila,
Kan vang khawpui laitual;
Sualna doral lian hrang in,
Laitual an leng vel e;
Kan zam mai dawn em ni le?
Kan tlawm mai dawn em ni le?

Teuh lo mai, a teuh lo mai,
Kan tlawm mai dawn lo Zofa;
Doral leh sahrang hma ah,
Zam ngailo val kan ni lawm ni?


Chhantlak kan la awm, min chhanru ti a au hi,
Laikhum bel in, i lo chhin bosan dawn em ni?

Teuh lo mai, a teuh lo mai,
Kan tlawm mai dawn lo Zofa;
Doral leh sahrang hma ah,
Zam ngailo val kan ni lawm ni?




Zoram hmangaihtu

Zoram hmangaihtu

Satu: Lalruatpuii

Ka pianna Zoram nuam,
Tlangtin chuan a ka thlirin,
Chhawrpial run ianga kan chawi,
I nun zia reng a mawi thin,
Mahse, thang leh thar nun a mawi lo tiin an sel
Zonun a thang tlawm em ni hmatiang sawn zai rel lovin.

Zoram hmangaihtu mihuaisen te u,
Thlangkawr vai chhak ral hmaah;
In zam mai dawn em ni le?
Zorampar an thliah hi,
Zam ngailo vala tang ta che,
I  ram leh hnam humhim nan.


Kan tlangram mawiah hian,
Hmelma doral lo lianin
Zoram run tin alawi a,
Zonun par mawi a thliak,
Chhinlung chhuak Zofa nun,
A thang a tlawm ngai si lo,
Khua kan tlai hma ngei hianin,
Harh r'u, thalai huaisen te.








BEISEINAIN

BEISEINAIN

Satu: Elizabeth Zodinpuii

Ka di, vawi tam hmangaih biahthu di,
I tawnah ka hlan che a;
Beiseinain anka nem,
Min hlan ve ka lo ring thin a.

Mahse maw, hmangaih mengmawi,
Leng dang chhaina biahthu mai;
Min lo hlan tak mai ni le,
Ti maia lung min hersan;
Ka lo ring ngai lo asin.
Engtin nge lung di kei hi;
Ka chan tur ka sawi phak lo.

Lungherin, ka lam lo hawi leh la e,
I chhai di min dawn chiang la;
Kei ang lairil hmangaihna,
Nei ve hian ka ring hlawl lo, Duhlai.

Nawmsip bawlna mai mai chu,
Kumtluang daih a awm si lo;
Puan anga i chul hma leh,
I sakhming an sel hma hian;
Lung herin lo kir lul la,
Hmangaih vanga ka biahthu
Nemten lo pawm hram rawh aw.

Hei hi chan tawk khuarel a nih si chuan
Ka va han hrethiam lo em!
Mahse, suihlung hera ka lam i lo hawi leh chuan
Duh ten ka lo pawm leh nang che.

Mahse maw, hmangaih mengmawi,
Leng dang chhaina biahthu mai;
Min lo hlan tak mai ni le,
Ti maia lung min hersan;
Lung herin lo kir lul la,
Hmangaih vanga ka biahthu
Nemten lo pawm hram rawh aw.
KRAWS KAWNG REH

KRAWS KAWNG REH

1. He khawvelah ringtute tan
    Hahchawlh reng a awm thei lo
    Retheihna leh thawhrimna chu
    An tan malsawmna alo ni zawk si.

              Lungngaihna leh hrehawmna in a tuam vel
              Khawvel sual an hmachhawn loh vangin
              Kraws kawng reh zawhin mittui nen Lalpa tan
              Nun an hlan tawh si.


2. Khawvel mawina zawng te hian
    An nunah awmzia reng a nei ve lo
    Krista tlanna hre lote tan
    An hun hlu zawng an hmangral tawh thin.

3. Khawvelin lawm lo mahsela
    Tlantu hniakhnung chuah chu zui zelin
    Hmusit leh sawichhiatna karah
    Lawm takin kraws kawng reh an zawh zel.

4. Hmuhtheih loh chu an hmuh avangin
    Hrehawm mahse tiamchin lam panin
    Doral nasa tak karah pawh
    Kir rel lovin huai  takin an kal.




ISU KA HMANGNGAIH CHE

ISU KA HMANGNGAIH CHE

Phuahtu: Lalremruata

He khawvel a i lenlai khan Isu an iai thin che maw?
Damlo nantna vei te, lungngai te thian i nih kha;
Mi fel leh bengvar ten i hming an ngai hlu si lo,
Thiam loh an chantir che, thlafam i lawi ta maw!

    Kei chuan hei hi ka rawn hlan a che,
    ka duh ber che, Isu Ka hmangaih che;
    Mi ten hawi san thin in, tang dang bel thin mahse,
    Isu, ka hmangaih che.

Sual a hlimpui tuar hnu hian, Isu ka iai mawlh lo che,
Nang chauh ka tan damna, ka himna Lawng i ni e,
Mahni ngaih a fel ten i hming tihliau thin mahse,
Kei zawng ka ngaihlu che, ka hmangaih zual zel che.

    Kei chuan hei hi ka rawn hlan a che,
    ka duh ber che, Isu Ka hmangaih che;
    Mi ten hawi san thin in, tang dang bel thin mahse,
    Isu, ka hmangaih che.

    Kei chuan hei hi ka rawnhlan a che,
    ka duh ber che, Isu Ka hmangaih che;
    Mi ten hawi san thin in, tang dang bel thin mahse,
    Isu, ka hmangaih che.

    Ka duh ber che, ka hmangaih che,
    Mi ten hawi san thin in, tang dang bel thin mahse,
    Ka hmangaih zual zel ang che.

MIZORAM TAN

MIZORAM TAN

Phuahtu: C. Zoramliana (Late)
Satu: Lalrindiki Khiangte (Daduhi)

Thal favang ni kawl a eng no nghial e,
Tlang tin a hring mawi e;
Nungcha lengte'n siahthing zar mawi an bawm,
Hlim te'n zai vawrin tlaini an awi.

Kan vanglai, hun leh ni zawng te,
Kan ram tana hlan zelin;
Fam dairial pawh chang ila,
Kan sakruang Mizoram tan.


Lanu, val rual te'n i par kan dawn e,
Vahkhuai ang kan lawina;
Tlang tin, mual tin Zofa leng zawngte hian,
Suilung rual te'n, aw, chawi zel nang che.

Ram tana tuartu thlafam chang tawh te,
Nghilh ni awm thei si lo;
Lungduh par vullai an chul mai tur hi,
Ka ngai ngam lo, aw, thinlai rukah.

Lungngaih chhumzing buaina thleng thin mahse,
Kian ni a awm ngai e;
Hliampui tuarin rallian tawng thin mah la,
Tang fan fan la, aw, lungphang suh la.

Tlang tin mual chuanin ka thlir vawng vawng thin,
Ka hmangaih Zoram nuam;
Rianghlei te'n nui hiauva laitual lenna,
Awih ka nuam e, aw, kan ram mawi hi.


An lungleng ve ngei ang

An lungleng ve ngei ang

Phuahtu: R. Vanrammawia
Satu: R. Vanrammawia

Awm khawhar changin ka dawn vel thin a,
He hringnung par ang vullai ni te;
Mual min liamsan thin kan hlim ni ten,
Hmanlai an chang zo nghilh har ngei.

    Lenrual duh te nen hlim te in,
    Zaitin kan vawr lai kha;
    Ka ngai thin e thiante kha,
    Kan lenna a dang zo ta si,
    Ka hming an hriat chhuah changin;
    Kan nundan thin an dawn kir ve ang a,
    An lungleng ve ngei ang.


Han hawi vel hian in tlangtin dam diai,
Thal romei zing riai lenkawl eng leh;
Chhemdam thlifim leh thinghnah nem leh,
Nungcha hram thiam ten min ngaihtir thin.