Friday, 20 July 2012

Chhandamtu'n min hmangaihna chu

Phuahtu: Zoramliana
Satu: TBC Lalbiakzauva

Chhandamtu’n min hmangaihna chu,
Ni tin zan tin ka lo hre ta;
A thihnaa ka thih vangin,
Thawhlehnaa tihnun ka lo ni ta.

Thihna lui ral ka lo kai ta,
Khawvel miten an hrethiam lo;
He lei in hi ral mah sela,
Ka nunna chu Isua a ni.


Lei taksa ropuina a dang,
Van taksa ropuina a dang;
Lei taksa zawng boral mai tur,
Van taksa chu a ropui zual zel ang.

Ka thla a kal Lalpa hnenah,
Vansang mû angin a leng vel;
Tunah ka chawl ta Kristaah,
Ka chhuahsan dawn he lei hrehawm ram hi.

Lei taksa boral turah hian,
Isua hmel duhawm lang zel se;
Mite hnenah nunna pein,
Ka hun zawng hi ka hmang ral tawh ang a.

No comments:

Post a Comment