29 Apr 2013

Tho la ding ta che i hliam a dam e

Tho la ding ta che i hliam a dam e

Phuahtu: V Thangzama
Satu: Vanlalsailova & Rosy K.Remsangpuii


Aw, ka pianna leh ka seilenna ram,
Eng vang nge i lo rum le?
Duhthuleng i sam sual vang em lo ni?
He ti kauva i nat le.

Tho la, ding ta che, i hliam a dam e,
I tha thum te a kiang e;
Hnutiang hawi lo vin ram kal siam ta che,
Khuavel i la chhing ngei ang.


Siar leng mah khian lamtluang an chhui a,
Si zangkhua a bungbu e;
Kan tan khua a var, khawfing lo chat e,
Tho r'u le, i kal ang u.

Hmanah khanin maw, thinlai a zing riai e,
Min chimtu chu darfeng rual;
Chengrang rawl a au, kan muan pui si lo,
Zan mu chhin a har ngei e.

Hnutiang hawi lo vin nghilh zai rel ila,
Kan hliam hlui te dam rawh se;
Khua a sang ta hle, khua kan tlai ang e,
Tunah hian i kal ang u.


16 Apr 2013

A sak hming pawh ka hriat loh kha

A sak hming pawh ka hriat loh kha

Phuahtu : C Lalthazuala
Satu: Lalngengpuii Tochhawng, SM Bawitluang

A sak hming pawh ka hriat loh kha,
Han dawnin lung lam ka vai;
Min dawn ve reng hian i mawi si lo,
Mual za pui kar danah hian;
Hei hi maw chhingkhual di zun,
Ngai a tlaini len a uai chu.

A sak hming pawh ka hriat loh kha,
Thinlaiah ai ang a cham;
Tawn leh ni herchhuak leh ang maw,
Chhaktianga'n a zing riai e;
Lenna tlang zo dumdur nen.

Duhthu ai ang han sam ila,
Thuva len thiam dungthulin;
Fan ka nuam e tlang liai luai,
Tleitir lenmawii lenna;
Engtin min lo chhang ang maw,
Run in chhung va lawi ila.

Run hmun len dun rel ve in,
Chung Khuanu'n min tuah rem se;
Chutin hlimte'n lengdun in,
Damlai pialral dungthul in;
Nang vang a duhaisam hian,
Chin lem ka nei si lo.

8 Apr 2013

Tah a tul leh thin

Tah a tul leh thin

Phuahtu : Zirsangzela Hnamte
Satu : Zirsangzela Hnamte

I sakhming sawi leh tahlai ka bang thei lo,
Tufa chawia damte'n kan tih lai a;
Ti mai a zochhum ang sara i zamral hi,
Ka tuar thiam lo, i thai, suihlung mawl mai hian.

Aw, hnemtu ka va ngai em ve aw,
Famzun ngaia damchhung ka hmang tur hi;
Fur leh thal lo veiin par tin an vul leh a,
Thinlai tharin fam ngai tah a tul leh thin.

Tuantul vanga thangvan sang i kai ni khan,
Kar lohvah sul ang hawn min tiam a;
Mahse, kan nghah ni che a rei ta lua e,
Run in chhung leh kan nun kawl ang a uai zo ta.

Sul ang hawng tur kan nghah ni a rei ta em mai,
Sikni liamin tuangtuah an vul leh ta;
Chhungkim tea dar ang kan lenna run nuam kha,
Ngai chungin mittui nen then a lo tul ta.

Murva iang i lenna, ka chung thangvan zaua'n,
I lenrual te mu ang leng thinin;
Suihlung a vai em mai, khawia'n tuan ve che maw?
Min han thlir ve che maw, rauthla leng talin.

Saisen te a ka chawi, ka hrai duh leng te,
Tui ang damte'n min chawilen pui a;
Han thlir ve teh, maurua iang an tuai lian ve ta,
Ka hlimna tur zawng pawh tahna an chantir e.

I sul i hnu, silhpuan leh i hlimthla mai hi,
Ka chantawk tur a nih tak si chuan;
Puan ang i hlui dawn silo, aw, ka thinlaia'n,
Thlir changin suihlunglen dawn a sei dawn mang e.



6 Apr 2013

Mangtha Mangtha

Mangtha Mangtha

Phuahtu : Lalzova
Satu: Lalhungchhungi Pachuau, Sailothangi Sailo, Zosangliani

Aw, kan nunhlui hmanlai thlirin,
Suihlunglen kimten a tho;
Lungkham chhailai di zun cham lo,
Saisen a chun chawiin.

Kumsul lamang her zel,
Sakhmel tha sen siar kan tawng;
Thinlai ah di zun a lo cham a,
Lunglen kan kiu vawng vawng.

Chhakkawl rawn tur ni lo eng se,
Tawn loh nan tuanna a dang;
Awmkhawhar di ngai ka tham vel a,
Tuan zai ka rel thei lo.

Tlai khua a lo ngui a,
Hellai di run kan kai a;
Zankhua tlai se samang then nan e,
"Mangtha," mi lo ti e.

Awle, mangtha, en chim loh di,
Vangkhua a zau kar a hla;
Tawnmangah tawh leh ni her sela,
Thutin i hril dun ang.

Aw, chhawrthla eng hnuaiah,
Mahten duhthu ka sam a;
Luahloh tur di mahnila parte,
Ngaihlai ka bang lawng che.

Mangtha, mangtha, mangtha, mangtha,
Damten laikhum ah zal la;
Kei a riang chu kan run in chhungah,
Tinkim ka dawn ta'ng e.

Aw, tawnmang mawlah pawh,
Suihlung ka rualpui si lo;
Thaval dang nen nui hiauva lengin,
Parte, ka tawng thin che.



5 Apr 2013

Thahang ngaihnobei

Thahang ngaihnobei


Phuahtu : Rosangliana (Zorock)
Satu: Rosangliana (Zorock),Hard Ray

Nang nen a (nang nen a) laitual len (laitual len),
Nang nen a laitual lenlai ni,
Ka dawn chang in;
Zanmu chhin (zan mu chhin) a har ngei (a har ngei)
Rual zawng ten min hnem zo silo,
Ngaihluat vang hian.

Thahang ngaihnobei, 
Thahang ngaihnobei,
Nangnen a runhmun len dun hi, 
Ka duhaisam a ni fo thin,
Aw..aw.aw...ngaihnobei,
Phairam khawpui phei duai an maw,
Bahsamsei i tello chuan tlaini len a har.

Thinlai an (thinlai an) ka vei reng che (vei reng che),
Tuanna piangah mitthla an i cham reng,
Nghilhni awm lo;
A rei tawh lawng (rei tawh lawng) zosang lanu hmeltha,
Nang nen a laitual len hun tur,
Min lo nghak la.

Nangnen a runhmun len dun hi, 
Ka duhaisam a ni fo thin,
Aw..aw.aw...ngaihnobei,
Phairam khawpui phei duai an maw,
Bahsamsei i tello chuan tlaini len a har.