20 Oct 2013

Kumpui sul a lo vei chang hian

Phuahtu: Rokunga
Satu: H Lalmuankimi, Zoramchhani, Bawngkawn Pastor Bial Zaipawl, Mizoram Synod Choir

Kumpui sul a lo vei chang hian lunglen a tho leh thin,
Ngai lo leh lawm lo reng awm hlei lo;
Kan ngaih Krismas nieng a lo zam thar leh ta,
A mawi tizuala'n Bethlehem par nen,
A lo vul ta e, par ang kan lawm.

Aw, a va mawi em, he ni lawmawm hun tawite hi,
Kan vannei em em, lawmna ni kan tawng leh ta;
Lungrual takin hlim zai i vawr ang u,
I lungngaihna chu puan ang hlip rawh.

Awmlai vei leh lusun fate chan tawk hi dawn ve teh,
Hnutiang mualliam hnu ngaiin an tap e;
Par ang an lawm hnu he ni ropui lo thlen hian,
Chhungkim dar ang len lai kha ngai zualin,
Tapin luaithlipui an nul ngei ang.

Kar hla a leng rualduh zawngte, in dam lai em ni le?
Krismas ni lawmawm a lo eng leh e;
Chung Pathianin damte'n min veng tawn zel rawh se,
Dam takin, aw, kan intawn leh hma zawng,
Hlimin zai ang che, muttui, mangtha.

Chung Khuanu lengin min hual se lawmin i zai ang u,
A then thinlaina pawh hi dam rawh se;
Kan nghah ni lawmawm tak chu a lo thleng leh ta,
I phurrit zawng zawngte chu kalsan la,
Hlim la, huntha i neih chhung hianin.


SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

5 comments:

  1. Kumpui sul a lo vei chang hian lunglen a tho leh thin, Ngai lo leh lawm ... iginsul.blogspot.de

    ReplyDelete
  2. Vawiin chu eng ka ti teh reng nge maw ni he hla ringawt hi ka rilruah a awm a, a lyrics alo awm hlauh a. alawm hle mai... In kal zelna turah duhsakna ka hlan a che u

    ReplyDelete
  3. Lung avan leng ve em. Chhungkim taka mas hman te kha alo van hlu tak em ����

    ReplyDelete
  4. Chung khuanu lengin min hualse lawmin i zai ang u.
    A then thinlaina pawh hi dam rawh se..

    ReplyDelete
  5. Lungrual takin hlim zai i vawr ang u tih tur...

    ReplyDelete