26 Mar 2014

Hlobet a daifim

Hlobet a daifim

Satu: K.Vanlallawmi (Malawmi)

Lalpa ka nun enfiah la,
Zingtiang khawvar engmawi ah;
Mumang ka chhuahsan laiin,
Thinlung thar min siam rawh.

Nangmah ang turin ka nun hi,
Vur ang in var thiang se;
Hlobet a daifim iang in,
Eng se mitin zingah.

Isu ka entawn ni la,
Nun chet ze kawngtin reng ah;
Midang te zai chhawn thiam an,
Annem min hman tir rawh.

Chunglam ka thlir fo thin nan,
Vawng la ka ngaihtuahna vengtu;
Thinlung i chenna tlak an,
Kai dum te silfai rawh.

I kiangah hmun min siam la,
Mawi taka par ve turin;
Thilsiam i lungdum iangin,
Chawi che ka nuam ve e.

25 Mar 2014

Ringtute nun kawngah hian

Ringtute nun kawngah hian

Satu: K. Vanlallawmi (Malawmi), R. Lalruatkima (Maruata)

Ringtute nu kawngah hian,
Hreawm tam tak a awm a;
Kawng nuam a ni lo va,
Tuarnain bul an tan thin.

Fakna hi kan tan thlemtu,
Sawi chhiatna erawh kan thian;
Tuarna leh channa lo chuan,
Ringtu nun a thang thei lo.

Kan lalpa hnung zui tur hian,
Engkim chan ngam a ngai a;
Chan harsa ber mai chu,
Tisa thinlung chan a ni.

Tupawh a nun humhim chuan,
A neih chhun pawh a chan ang;
Tupawh a nun chan a piang,
An nunna an humhim ang.

Mi dang tana nunnain,
Mahni lama thihnain;
Kraws chuan min khengbetin,
Ni tinin min kal tlang thin.

Zoram tang fan fan

Zoram tang fan fan

Phuahtu: Vanlalsailova
Satu: Vanlalsailova

Dawn chiang in a mak ngei e,
Ka Zoram nunzia reng hi aw;
Kan pi leh pu kan thlahtu ten,
Rawn hmu ve in rawn hre ve se.

*Hnam in cheidan kan khawsa zia,
Rethei leh hausa inkar hlat tawh zia te;
Aw.. a nei nung nung a feng chhing chhing,
A nunzia reng kan hmuh hmaih leh si a,
Tunge mawhphur ang?

*A pawi em! an liam zel si,
Zoram siamtha a tungding tur hian;
Tudang an ngai lo,
Keinin phengphe khua tlai hma hian,
I bei zel ang.

Beiseina meichher thi tep tawh hi,
Chhem alh a Zoram dinthar tur hian;
Tu kut ah nge in nghah tak a?
Tu hnenah nge in hlan tak le?

Sakhuana leh hnamzia zawng ten hnamdang tawn ah,
Choak arawn chang an tawn mek lai hian;
Laikhum belin i lo chhinbo san dawn em ni?
Aw chhingbo lul suh!

Repeat **
Repeat *

Zoram tang fan fan
Zoram tang fan fan
Hun a liam hma hian
Zoram tang fan fan

21 Mar 2014

He lei ram mi kan ni lo

He lei ram mi kan ni lo

Letlingtu: V Thangzama
Satu: Sateek Pastor Bial Zaipawl

He lei ram mi kan ni lo,
Khualzin kal lai mek kan ni;
Hmalam thlirin kan kal zel dawn;
He lei hi hnutiang chhawnin,
Kan pan mek van in mawi chu,
He lei ram mi kan ni lo.

Hla taka rammawiah chuan,
Lunghlu kawngkhar mawi tak chu;
Kan tan a inhawng mek a ni,
Rangkachak khawpui mawiah;
Kan lut thuai dawn,
I lawm ang u, he lei ram mi kan ni lo.

Chatuan Lalpa khua leh tui,
Hmangaihna Lal roluahtu;
Ama enna tawmpuitu leh;
A hnehna changtu kan ni,
Khawvel hi bo mah sela,
Kan chatuan hmun van a ni.

Chatuan ram mi kan ni e,
Van Lal fa duh takte chu;
He lei ram hi kan fan chhungin;
Kan chatuan Lalpa enna,
A hmangaihna, thatna nen,
Kan nunah lar chhuak rawh se.


18 Mar 2014

Chhingmittui a far

Chhingmittui a far

Satu: Zosangliani

Thal favang turnipui thlang lenkawl an a liam tur saw,
Ka thlir rei ngam lo kei zawng dawn ti sei mai tura'n;
Suihlung mu hnu kai tho in,
Senlai nau iang luaithli nul a awl mai thin.

*Mahriak awmhar chang ni hian,
Laikhum zal chhingmit chhing in;
Ka dawn thin nau ang kan hlim lai ni zawng te,
Ka dawn sei ngam lo kei zawng,
Senlai nau iang in luaithli nul a awl mai thin.

Nui hiau hmel leh chhingmittui far nen,
Ka lam lo hawikir leh teh reng la aw;
Engdang reng reng dawnlo hian,

Duh ten pawmin chhingmittui a far ngei ang.

Tlangtin mualtin thing leh mau, phulmawi leh parmawi zawng te,
Ka thlir rei ngamlo kei zawng thinlai tihnim zual thin e;
Suihlunglen vang hian maw,
Chhing mittui farin khua reng ka hawi ngam lo.

Repeat *

15 Mar 2014

Hlim takin i chawimawi ang

Hlim takin i chawimawi ang

Satu: Bethsy Lalrinsangi

A lalna puang chhuak turin,
Kan Lalpan min ko e;
Hnamtin leh chitin te hian,
Kan Lalpa chu i chawimawi ang.

Hmangaihna chhiarsen loh chu,
Kan tan a rawn thlen ta;
A nunna kan tan hlan in,
Thihna hnehin a tho leh ta.

Hlim takin i chawimawi ang,
A lalna puangchhuak zelin;
Hlim takin i chawimawi ang,
A ropuina chu hril zel in.


A hming thianghlim chu fak se,
Thilsiam zawng zawng te hian;
Lalpa lo kal hun ur chu,
Nghakhlel takin an thlir reng si.

*Hlim taka chawimawi in
Lalna chu i puang chhuak ang
Hlim taka chawimawi in
Ropui na i hril zel ang

Repeat *

Krista min chhandamtu fak ru, fak ru,
Krista min chhandamtu fak ru, fak ru.

10 Mar 2014

Ka lawm e Lalpa

Ka lawm e Lalpa

Lettu: Alvin & Maria
Satu: One in Christ, Grace Lalchhanhimi & Lalhlumawii (Mizo Idols), Lalduhsaki

Khawvel mi ten min thlir reng,
Ka nunkawng har tak hi;
"Beisei tur nei lo," min ti,
An va hre lo em;
Chhungrilah hian ka hlim si,
Aw, min han hmu thei se;
Ka lawm e, Lalpa, I malsawmna vangin.

Chenna In tur min buatsaih,
Hahchawlhna tur min pe;
Ei leh in tur min pe in,
Silh leh fen min pe a;
Hmangaihnain min hruai thin,
Chhungkaw duhawm min pe;
Ka lawm e, Lalpa, I malsawmna vangin.

Hausakna chhuan tur ka nei lo,
Silhfen tha nei lo vin;
Sum leh pai tam ka nei lo,
Mahse, nang ka nei;
Chu mawlh chu, ka tan a hlu ber,
Miten hmu lo mahse;
Ka lawm e, Lalpa, I malsawmna vangin.

(He hla hi saptawng a "Thank you Lord, for your blessings on me" tih atanga Mizo tawng a lehlin a ni)


Min hriatpui ve a sin

Min hriatpui ve a sin

Satu: Zosangliani

Zan boruak khawthiang in lairil min fan,
Thennan biahthu min hlan lai kha;
Aw hmangaih biahthu min hlan zawng dawn kirin,
Ka ring lo ka ring thei lo;
Tunah engtizia mai nge lo ni ta,
Thenloh biahthu reng kan tiam lo i tih le?

Chung chhawrthlapui leh siar leng zawng te khian,
I tiamthu zawng kha min hriatpui ve a sin;
Aw tunah thennan biahthu min hlan ta si,
Angaihna ka van hre lo em!

Aw zan boruak thiang karah kan hlim lai kha,
Kohkir leh theih zawng chang se;
Aw duhthuleng tinkim kan sam lai zawng te,
I nghilh zo ta mai em ni le?
Aw engtin nge maw ka nghilh ve theih tak ang le,
Biahthu di zawng te lairil ah a thar zel si.