27 May 2014

Di hlui

Phuahtu: Laldana
Satu: Lalnunsanga (T-Melody)

A dai hlen ta emaw ka lo ti, hmana ka hmangaihna che,
An thamral ta emaw ka ti thin, nunhlui ngaihawm zawng pawh;
Mahse, i sakhmel ka tawn changin kim te'n an lo thar leh thin,
I khiangawi hnu pawh hi e, 'Di hlui,' nghilh i lo har ka ti.

Thlangkhuandimin kar danah kan leng ta si a,
Tawn chang ni pawhin biathu hril a rem tawh lo;
"I lo dam thin maw? 'Aw, di hlui', 'Aw, di hlui',"
Tih chauh hi ka zawt ngam a che,
Lungkim lo em em chung si hian e, 
Hei chauh hi ka zawt thin ang che.

Lenlai par tlana kan hlim lai khan, inthen leh hian kan mawi lo,
Mahse, chantawk khuarel ang zawkin kan lo inthen ta maw;
Nunhlui leh nang ngaih a ruk hlira ka lo tuar dai tawh tur hi,
Ka dawn khawl changin lei hringnun hi kei zawng a sei ka ti.

Lunglai hal vanga inthen mah hian suihlunglen thar ni an nei,
Duh tea tang laia pawm tawh hnu nghilh hi a har an ti;
Thinlai thar chang ni te tam mahse, dam tea tuar tum zawkin,
Kumtluangin e, pawmlai Di tawnah rinawm i tum zawk ang.
 
Thlangkhuandimin kar danah kan leng ta si a,
Tawn chang ni pawhin biathu hril a rem tawh lo;
"I lo dam thin maw? 'Aw, di hlui', 'Aw, di hlui',"
Tih chauh hi ka zawt ngam a che,
Duhtawk lo em em chung si hian e, 
Hei chauh hi ka zawt thin ang che.


SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

15 comments:

  1. "Duh te a tang laia pawm tawh hnu nghilhni a har a ti"
    tih a, "nghilhni a har a ti" tih lai khi, "a har an ti" tih zawk tur a ni e.

    Share ka tum laiin hei in lo dah reng tawh a, a lawmawm thin. He hla hi chu a nalh viau a ni

    ReplyDelete
  2. @Lawma Khiangte, ngun takin kan blog a hla kan post thin te i lo chhiar thin a kan lawm em em e, i rawn sawi lai pawh hi kan siamtha tawh e. Inthlahrung lo in i rawn sawi zel dawnnia.

    ReplyDelete
  3. He hla hi chu aw... a lung kuai ngawih ngawih a ni. D hlui nei tawh tan chuan :)

    ReplyDelete
  4. This comment has been removed by the author.

    ReplyDelete
  5. Chang 2na ah hian, "Mahse chantawk" tih zawk tur a nilo maw? "Chantawh" nilovin, pu Postupa

    ReplyDelete
    Replies
    1. Kan lo tisual leh thin a, thahnem ngaiin min rawn hrilh thin a, kan lawm em em e, i rawn sawi pawh hi kan siamtha tawh e.

      Delete
  6. A tha e. Ziah zawm leh zawm loh tur a awm nual nangin.

    ReplyDelete
  7. He hla hi tu phuah nge maw ni le, a satu phuah hi tihna em ni le

    ReplyDelete
  8. He Blog hi tha kava han ti em.. ka zai ve awl awl phah alawm le. LIKE

    ReplyDelete
  9. Can someone give a translation of this lyrics? I'm not Mizo and I'm in love with this song.

    ReplyDelete
    Replies
    1. Its all about the lover and his/her ex relationship after their break up.

      Delete
  10. Ka la ngaithla reng mai...... Kum 3 chhug a nalh

    ReplyDelete