29 Nov 2015

A laiah Isua

A laiah Isua

Phuahtu: Rev. HP Runremthang
Satu: Lalroutmawi


Chhandamtu lungngai a thla rawn fannna hmun ka ngaihtuah in,
Engvanga misual te karah an khenbeh;
Vanlalfa sualna neilo chu sual anga ngaiin,
Pathian leh misualte karah remna leng se tiin,
A laiah Isua a lo ding ta.

A laiah Isu lo ding leh rawh,
Hnam leh hnam chi leh kuang leh u leh nau karah;
Chhungkaw tin leh kohhran tinah remna thlen theih nan,
A laiah Isu lo ding leh rawh.


A pianni'n ranthlengah do leh ral karah chham ang a rawn zal,
A thihni'n misual te karah an khengbet;
Chatuan Lalpa remruat dan hi a va ropui em,
Van leh khawvel leh a chhungah remna leng se tiin,
A laiah Isua a lo ding ta.

Lalpa, i hmangaiha i tlansa te hian inremna kan ngai,
Hnam leh hnam in pawngnekna in kan khat zo;
U leh nau te inkarah pawh sual in ro a rel,
Kraws lerah misual te karah i ban i phar ang khan,
A laiah Isu lo ding leh rawh.

17 Nov 2015

Kanan ram nuam

Kanan ram nuam

Satu: Redemption Singers

Kanan ram nuam kan pan mek e,
Thlarau chawlhna ram chu;
Mangan, buaina a awm ngai lo,
Thlarau chawlhna ramah.

Lungduh inthen a awm tawh lo’ng, 
Hmangaih ram nuam,
Thlarau chawlhna ramah.

Lalpa hmun siam khawpui mawiah,
Lungngaih a awm tawh lo’ng;
Chatuanin hlimin kan leng ang,
Thlarau chawlhna ramah.

Chu ram nuamah chhung kim tea,
Kan inkhawm hunah chuan;
Beramno fakin kan zai ang,
Thlarau chawlhna ramah.


19 Oct 2015

Chawlhna tui

Chawlhna tui

Phuahtu: FC Thanzawna

Hringnun thlaler rama ka chen laiin,
Sual hliamin aw! ka lo chau leh thin a;
Beidawnnate'n min chim buai leh si thin,
Chhantu ka au Thlarau Thianghlim ka ngai,
Ka kawng hruai zel turin.

Chawlhna tuikam hmun nuamah min hruai rawh,
Riltam tuihak tuarin lungngaiin ka rum;
Tanpuitu ka ngai, Thlarau min hruai zel la,
Chawlhna hmun nuam Elim hmunah
Nangin min hruai thleng leh rawh.


Lungngaihna zan thimin mi nang vel a,
Thlemna thlipui te an lo hrang leh thin;
Min kai langin chawlhna ka thlen hma chuan,
Hnung lam hawia ka hawikir tawh loh nan,
Min hruai zel ang che aw.

Ram nuam ka nei ringtute hmun nuam chu,
Rinna mitin ka han thlir vel thin a;
Aw chu khawpui mawi chu ka thlen hma chuan,
Lei hringnun hi ka ngai tawh ngai lovang,
Ka hlim kumkhua tawh ang.

16 Oct 2015

Nghilh ni a awm lo vang

Nghilh ni a awm lo vang

Phuahtu: Lalmama
Satu: Desy Lalnunsangi, Pensy B Lalthangliani

Ka ngai mang e tawnmang chang hnu,
Khuarei ka dawn changin;
Sikul run in zar hliap hnuai a,
Zaitin kan vawr lai kha.
A tlang, a mual mah dang si lo,
Ka thlir thin ni chhuna'n;
Suihlung rualpui lenrual zawng khan,
Raltianga'n thlir ve maw?

Chung mu angin lenthiam ila,
Mual tin khawtlang pelin;
Chungtiangah hliappui zar hnuaiah,
Zuang in va tum ila.
Thiam tin thaikawi zirna,
Run in sumtual dar ang lenna;
Tuan rel lo va tual kan chaina,
Fan ruai ka nuam mang e.

Aw, lungduh lengrual then hnu te'n,
Ngai ve maw kan lenlai?
Tlangtin mualtin a chuan zelin,
Thlir hian ka ring ve e.
Khuarei kumsul lo her mahse,
Awmkhawhar lunglenin;
A ngur nun iang lenna Sertlang,
Nghilh ni a awm lo vang.
--------------
Serkawn concert hla

11 Oct 2015

Ka lawm zel ang

Ka lawm zel ang

Phuahtu: Joseph C. Lalrinsanga
Satu: Rebecca Zorintluangi (Mizo Idol 2015), Thawhlehnaniropuia

I remruatna te hi, Lalpa,
A chang chuanin ka hrethiam thin lo;
I lakah hian ka lo vui leh mai thin.

Mahse, Nang chuan thil engkim hi,
Kan thatna tur hian I lo ruat vek si;
Vuina tur reng hi ka lo nei lo.

I khawngaihna ka tan a tawk ,Lalpa,
Ka lawm zel ang thil engpawh lo thleng se;
Ka chaklohnaah hian a ni, Lalpa,
I khawngaihna ka lo hmuhfiah thin ni.


Khawngaihna mak mawi leh duhawm,
Kei ka tan hian a lo va han hlu em;
Tlinna nei lo tlingah min pawm ta si.

21 Sept 2015

Tuinung min pe rawh

Tuinung min pe rawh

Phuahtu: F. Laltuaia
Satu: Lalthannguri Tochhawng, Sangzuala Chhangte

Thlaler hreawm khawharah,
Dangro, dangcharin Lalpa ka rum a;
Nun hlimna a awm love tuihal in ka chau,
Tuinung min pe rawh.

Aw, khawiah nge tuinung chu?
Tuihal rehna tur chu?
Lal Isua hi nunna tui,
Chatuana kanglo tui nung chu a ni.


Tupawh he tui in apiang,
An tui hal leh ang Lal Isuan a ti;
Khawvelah hlimna awm lo lungngaia tahna,
Tuinung min pe rawh.

Tuihal apiang lo kal r'u,
Nunna tuikhur hi athlawnin  in r'u;
Thlarau tan nunna a ni lungngaih a bo ang,
Tuinung min pe rawh.

Seol natna

Seol natna

Satu: Sangzuala Chhangte

Engnge ka tan chhandamna,
Ti a ka ngaihtuah mek laiin;
Leilung pian hma a talh tawh beramno ah khan,
Chhandamna kim ka lo nei.

Seol natna ka hlau tawh lawng,
Khawvel nikin ni ka hlau tawh lawng;
Krista ah tih famkim ka ni,
Ka hringnun hi vaivut ah kir mahse;
Ka nung Kristan ah chuan.


Lungmuanna kim ka nei e,
Chhandamna kim ka chang ta;
Ka kulhbing sang Isua a nih tawh avangin,
Hlimin ka zai ka muang ka zai e.

Hei ngei hi a lo ni e,
Chhandamna thuruk famkim;
Krawsah khen zawh a ni tawh ka sual nate
Ka thinlung muangin a engreng e.

Ngawlveite inhlanna

Ngawlveite inhlanna

Satu: RTC Lalduhawmi

Ka dawn thin a rairah kan nun,
Tuar thiam a har a na lua e;
Mim ang kan lo piang ve na a,
Chun leh zu lu tihai tu mai an.

Muantu kan ngai, puitu kan ngai,
Chhantu kan ngai an awm silo;
Mifel rual awmkhawm ho te zingah hian,
Kan tan hmun a awm ve si lo.


Tlang sawi leh tih leng khai kan ni,
Relthang phurin hringnun kan hmang;
Kan tan hian khawvel a zim lua,
Khawvel pawh hian hnutiang min chhawn ta.

Keini zawng hrem zia reng kan ni,
Kan thil tih man chauh hmu kan ni;
Aw Isu, Davida fapa min khawngaih rawh,
Min kalpel lul suh.

Sual neilo chuan min deng rawh se,
Isu i ram i thlen hunah;
Min hrereng ang che kei misual ber hi,
I tan ka nun hlan che ka duh.

I tan ka nun hi ka hlan e.
Lei leh van siamtu

Lei leh van siamtu

Phuahtu: Lalrammuani (Mamuani)
Satu: Lalhlumawii (Bitei)

Lei leh van siamtu leh engkim siamtu,
Awm lo ata awma min din tu chuan;
Hringfa engmah lo leh tawmkai lo te,
Min hmangaih in kan tan i nun i hlan.

Ka lo va han hrefiah phak ngai lo em,
I hmangaihna leh i khawngaihna te;
Boral mai tur hringfa min zawng chhuakin,
Chatuan nunna min pe kan fak a che.


I fa a min pawm hi a va mak em,
I ropui ka hriat tam leh mak a zual;
I hmangaihna leh nunna min pek hi,
A thukin, aw, ava han ropui em.

Van ropuina thlahlel hlei thei lo hian,
Kan tan kraws leh ranthleng i rawn thlang hi;
Ka puang chhuak zo lo i hmangaihna hi,
Hmangaihna mak tak chu a lo ni e.

Van Angel thianghlim leh Serafim ten,
I ropui an fak nin theih loh laia;
Fak tawk nachang reng ka lo hre lo hi,
Min ngaidam ang che, aw ka Lal duhtak.


18 Sept 2015

Thal favang lelthang

Thal favang lelthang

Phuahtu: Laltanpuia (Sialsuk)
Satu: Lalthansanga Ralte

Thal favang lelthang kiu leh thal khaw romei zam tur hian,
Awmhar suihlung min len lawk thinlaiah;
Tinkim dawn a rianghlei nau ang tahlai ka bang thei dawn ne'maw?
Thinlaiah Parte, i biah nemte,  i sakhmel a cham reng.

Luah takah Parte, sul ang min tum lo ka hai silo,
Tlang za rel thang ka dawn zo ve si lo;
Duhleng tawnah thlang khuandimin tlang za mualpui liam mah la,
Kumtluangin Parte, i zun leng ngaih, i sakhming ka nghilh lo'ng

Tlang za rel thang thuam laiah do ka zuam lo, Lungrunpui,
Mat leh rial tui ang kan inthenna ai chuan;
Tuahrem biahthu di kimte'n hril dun ila Parte, run nuamah,
Nang lo chu lungkham ka dawn lungruka'n duhleng an piang lo.

Kei chu awmhar nau ang tah lai ka bang thei dawn ne'maw?
Mahte'n ar ang ka vai chhimhlei tualah;
Lunglen vanga fam dairial chang tur reng a Khuanun min siam le,
Ka tuarah lunglen khaw zo chhum ang kian ni a nei lo'ng e.

Ka tuarah lunglen khaw zo chhum ang kian ni a  awm dawn lo.

12 Sept 2015

Bahsamseihniangi

Bahsamseihniangi

Phuahtu: James Laldika Sailo
Satu: Liandailova Chhangte, Sailothangi Sailo

Ka tan chuanin i mawi hluan e,
Kumtluang thaia'n ka thlang ber che.

Vulmawi hmeltha, Vulmawi hmeltha,
Laitualmawii, bahsamseihniangi.

Hmangaih biahthu nemte'n ka hlan,
Nemte'n min chhang, aw, a hlu ber e.

I chun leh zua hrang lo lul se,
Runhmun len hi i rel thuai ang aw.

Tawnchang ni reng a rei zo lo,
Suihlunglen hi a bang hman mawlh lo.

Runhmunah kan len dun hun chuan,
Suihlunglen hi a bang tawh ngei ang.


1 Sept 2015

Lungdumtu (Movie song)

Lungdumtu (Movie song)

Phuahtu: Vanlalhruaia
Satu: DJ Lalvenhimi

Hmangaihna lamtluang hrui ang ka zawh sual a,
Hmangaihna lungchhiat thlak mai hi maw ka chan tawk le?
Awmngaihna hrelo in hnemtu reng tawng lovin,
Hringnun ka hmang liam thin,
Engtinnge maw ka tih ang le?
Samang ka then thei silo che.

Thinlai ana hmangaih lungdi, lem ang min lo der reng hi,
Luaithli ka nul mahriak te in inthen zai kan rel silo;
Engtinnge maw hlimten hringnun ka hman ve tak ang le?


I nunzia reng hi hriatthiam a har ka ti,
Ka hmangaihna che ka thinlung hi a na asin;
Hmangaihna min hlan a khawngaihna tel silo,
Luaithli ka nul leh thin,
Biahthu der min lo hlan em ni?
Tuar thiam a har ka chan tawk hi.

Hmangaihna dik leh rinawm ka hlan che a,
I tan chauh tiin ka hun leh ni ka hmangral thin;
Nang vang hian lungngai a luaithli ka nul pawh in,
Nang chauh ka thlang thin che,
Mahse tunah ka tawng ta e,
Ka tana khuanu ruat ngei chu

Tawnthar di ka tan vantirhkoh i ni si,
Min phatsan dawn lo ka hria harsatna ni ah pawh;
Kan kar hmangaihna kulhpui hi
Thiat turin hmelma lo hrang mahse,
A rem tawh lo samang inthen,
Fam chan thleng in kan tiam tawh si.

Ka hmangaih che, ka hmangaih che,
I sakhmel a mawi chuang ngei leng zawng zing an;
Ka hmangaih che, ka hmangaih che,
Kumtluang..kumtluang in inthen lo'ng aw,
Lungdumtu...lungdumtu...lungdumtu..lungdumtu.

31 Aug 2015

Khua hmun loh Di

Khua hmun loh Di

Phuahtu: C Durthanga
Satu: Lalrindiki Khiangte (Daduhi)

Zaleng tleitir tuai zawng an tam ngei,
Mahse, ka chhailai di chhingzo tur;
An awm nem maw lung zawng a dum ngei,
Ka thinlaiah lungrun i khat liam.

Mahse, suihlunglen zual chang ni hian,
Sakhmel tawn ni awm lo, kar a hla;
Khua hmun loh di neih zawng a pawi ngei,
Zan laikhum zal reng a har thin.


Mahte'n ka dawn chang hian nunhlui te,
Hlimten buan ang kan inpawm lai ni;
Ka dawn thui ngam nemaw ngaih lungrun,
I zun chhawl ang min ban, a na e.

Awle, duhlai rinawm tein aw,
Lengdang tawnah lung lo her lo la;
Khuanu leng malsawmna kan tawnah,
A her ngei ang, runhmuna len nan.


30 Aug 2015

I come over (Mizo hla)

I come over (Mizo hla)

Phuahtu: Pastor K.Rohmingthanga
Satu: Janet K.Lalrinpuii


Khawvel ropuina leh a mawina ten,
Min chim a vakvel ka hringnun hi;
A ropuina leh a mawina aw...an râl leh thin,
Isua chauh hi awm hlen tur a ni. 


I way then splen uai wooo,
Over I come you there;
I glaiden over there,
I come you go I there;
Aw Halleluiah,
Aw Halleluiah, Amen Amen.


Ka hringnun hi a chau zual thin,
Ka chakna Lal Isu ka ngai zual che;
I ropuinan min siamthar rawh aw..,
Ka Lal ka chhandamtu, Ka ngai em che aw....ka ngai em che.

Chhawlthingte anlo vul si thin,
An chuai mawiten an vul leh thin;
Lalpa i thuthlung fate hi aw...chauva awm te hi,
I hmangaihna in min dinthar leh rawh.

Van dumpawl piah khawpui mawi chu,
Thuthlungfate rammawi a ni;
I hming thianghlim ringtute chu aw....kan la leng ang,
Hreawm lunggaihna reng reng a awm tawh lovang.

5 Aug 2015

Beramno lenna

Beramno lenna

Phuahtu: Lalnunpuia Hrahsel
Satu: TBC Zaithanpuia

Hla tak hmuh theih piah lama,
Romei zam piah lamah sawn;
Hmun hring leh engno damdiai,
Chawlhna luikam mawi tak chu,
A awm lungduh te lenna.

Aw, chu hmun ropui leh nuam,
Van lal kiangah chatuan in;
Ka lei thawhrimna chawlhsan in,
Hlimin ka la leng ve ang.

Tlaini tla kawl eng mawi,
Thlang an saw eng ri riai e;
Chu hmun lung ti leng piah ah,
Kawlvalenchham piah ah sawn,
A awm beram no lenna.

Chung van boruak thiangah,
Murva ten dar an chhai e;
An iangin keipawh chutah,
Thla in ka thlawk ve ang a,
Beramno fak a zaiin.

Sawtah thlan piah ah sawn,
Thih inthenna a awm tawh lo'ng;
Hmangaihna tlantu Isua,
Ka tan a thlafam chang hnu,
Beramno fakin an zai.



16 Jul 2015

Ka vei reng thin

Ka vei reng thin

Phuahtu: Zothankimi Chhangte
Satu: Lalpanliani (Pantei)

Sakhmel tha chuang ka lo tawng ta che maw,
Ka tawnmang mawl mai ni si lo maw, bawihte;
Mahse, biahthu tinkim hlan hmain,
Kan vangkhua pelin maw i liam ta si maw.

Ka ngai ber che, ka vei reng thin,
I sakhmel mawi leh anka nem nen;
Lam ang lo let leh la vangkhuaa'n,
Min hlan ve rawh i dawn lungruk.

Chhun nitinin ka thlir thin, i liamna,
Nghilhni i awm thei lo thinlaiah hian;
A pawi ber mai, aw, enga'n ka lo tawn,
Suihlung min len sei thlawn mai maw lo ni che.

Tawn leh ka nuam che, aw, vawikhat tal,
A dam mahna ka thinlai nau ang na hi;
A zual zel si chhun ni leh zan tin,
I tawnah ka hmangaihna maw, lungrunpui.

30 Jun 2015

Hlimna kim

Hlimna kim

Phuahtu: S.Mawia & PC Malsawmzuala
Satu: S.Mawia feat LC Sangi


Lalpa i hnen ka rawn pan e,
Ka chak lohna zawng nen;
Nangin min lo pawm ang che,
Kei misual rethei hi,
I thlarau in min hruai la;
Ka tan eng lo ni ang che,
Lalpa, nangin min hruai zelloh chuan;
Ka tan kawng harsa a ni si a.

*Khawvel hlimna ka zawng thin a,
Mahse, Lalpa nang chauh loh chu;
Thlamuanna leh hlimna awm silo,
I hnen ka rawn pan e;
Nang lo belh tur dang reng ka nei silo,
I angchhung nuamah min hruai ang che.


Ka nun ka dawn kirin,
I tan tih reng ka nei lo;
Mahse, hmangaihtu Lalpa nangin,
Min pawm tih ka hria;
Ka tan i va hlu em.
I hming fakin ka zai zel ang.

Repeat*
Repeat*


Runmawi

Runmawi

Phuahtu: Valzotea
Satu: C. Vansanga, Vanlalsailova, Remkimi Cherpoot, Sangtei Khuptong, Chanmari  Branch YMA Zaipawl


Zankhua a lo tlai hian,
Kaina runsang kan mawi;
Suihlungrual zaa lengin
Hlim zai kan vawr thin.

Leng zawngte kimna ber 'Runmawi',
Lanu, chhuihthangval rual kan lawina;


Tu dang, leng dang, kan ngai lo,
Rimawi tingtang nen;
Khawi lam tuanzai rel lo hian,
Lunglen thu hril za e.

Eng dang dawn lo reng hian e,
Chawltui ningzu rui a;
Han belh chang ni te hianin,
Anka nemte'n min chhawn.

Kan lawina run hmingtha hluan,
Kan chawi nang che 'Runmawi';
Chung Khuanu leng hualin,
Kumtluang 'Runmawi' tling la.

Tunah chitin leng mahin,
Thenni a herchhuak a;
Tlangtin, mualtin a lengin,
Ngaihlai i bang lo'ng aw.

Rairah tan zawng

Rairah tan zawng

Satu: K.Lalchamliana

Thinlai ruk rengah hian e,
Ka han dawn vel thin a;
Kei ka chan ve tawk rairah maw,
A va na em, tuar a har ngei.

Mahse, ka tana khuarel sa,
Damthei si lo kei ka tawnah;
Damlai khawvel mangan buaina,
Tuar a har chuang rairah tan zawng.


Kan neih rosum zawng te hi,
A tlem lua e lenrual tawnah;
Ka zuam lul lo tleitir chhai pawh,
Ka bel tang e, kan run riang te hi.

Mahse, lunglai lo harhin,
Tlei a har ngei kan run riangah;
Tinkim dawn khawlin, aw, lairil a'n,
Rai kan rah vang mai aw lo ni e.

Aman engkimah min hria

Aman engkimah min hria

Phuahtu: Lallianmawia Pachuau
Satu: Lallianmawia Pachuau, H  Lalmuankimi, H Lalchhanchhuaha, Nancy Zothanmawii

Lalpa'n chiang takin min thlir a,
Ka awm dan zawng zawng te hi;
Ka rilru ngaihtuahna zawng nen,
Ka kal leh ka muthilh lai te;
Ka hnung lam leh ka hmalam min hual a,
Ama'n engkimah min hria e.

Ama'n engkimah min hria e,
Ama'n engkimah min hria e;
Chutiang em em a hriatchianna chu,
A sang em a, ka phak lo a ni


Lapa thlarau hnen ata hi,
Khawiah nge ka kal ang le?
Tuifinriat chhungril lamah te,
Van sang leh Seol lamah pawh;
Pathian ramri khamna reng a awm lo,
Ama siam loh reng a awm lo.

Ka ngaihtuahna sual kai zawng te,
Puitlin tir suh ang che, Lalpa;
Keimah ka inchawimawi loh nan,
Ka hmui kawngkhar hi veng ang che;
A chhia, a tha, hriatna min pe ang che,
Nangma'n engkimah min hria e.

Ka nun hnar kaitu

Ka nun hnar kaitu

Phuahtu: C Luri
Satu: C Luri, Isak Malsawmtluanga, BCM Choir


Lalpa, nang lo tunge ka neih?
Ka mangan leh ritphurh ka thlenna;
Ka lawmna leh hlimna te nen,
Ka thinlung ril hmufai vek tu.

Ka chanchin hi ziak dawn ila,
I tel ve ang a phek tinah;
Ka hmangaih che i hria, Lalpa,
I duh zawng tih ka duh fo thin.

Nangin min hmangaih,
Nangin min enkawl thin;
Ka pian tirh atan tun thlengin,
Ka nun hnarkai tu i ni.

I hmangaihnain i lamah,
Min hip leh thin bo dawn ila;
Nieng leh par inkawp ang leh,
Ruah leh chhum, ni, thla leh arsi.

Tlang, phul leh lui, nu leh fa,
Eng leh hlim a inzawm ang hian;
Ka then thei lo che, aw Lalpa,
Ka neihchhun, aw, ka ngaihlu che.

Daipawnah

Daipawnah

Phuahtu: KLRTete
Satu: Aizawl Area Baptist Choir, Hlimhlimi


Hmun thianghlima sual thawinan a hlan chu,
Daipawnah an hal thin a;
Min chhandam turin amah ngei a hlan in,
Kawngkhar pawnah chuan kan sual phurin a lo tuar,
Hmusit leh tihelna hling lukhum nen;
Sualna reng nei lo chu daipawnah chuan an khai kang.

An hmusitna chu phurin i kal chhuak ang u,
Hetah hian khaw hmun nghet nei kan ni lo e;
Inthawina nung Pathian lawm tlak ni turin,
Hawh u, i chhuak ang u, daipawnah;
A tuarna i tawmpui ang u.

Kawtthlerah thilmakin a in puangchhuak,
Hosana zai vawr mahse;
Vanlal lungawina chu Kavari tlangah,
Thing anchhedawng ah vanlalfapa tuarna chu;
A thil tihtheihlohna luruh hmun chu,
Hawh u, i pan ang u, kan thlarau tan damna kim.

Lalpa, ka thinlung kawngkhar chu hawngin,
Daipawnah ka lo chhuak e;
Lei malsawmna a i hmel hmuhfiah tumin,
Kalvari tlangah min thlen la ka mit var nan;
Ka tan i tuarna chu tawmpui turin,
Min siamthar rawh Lalpa, ka nun i tan ka hlan e.



Lei tirhkoh

Lei tirhkoh

Satu: The Leprosy Mission Choir

Chhandamfa rawngbawltu zawng zawngte,
Vanlal tan tang ang aw engzel in;
Hlim takin lam ang aw Lal fak in,
Zai ang u kan aw mawi tin chhuah in,
Thawk zel tur lei tirhkoh kan ni si.


Setan ral lo lian mahse,
Rinawm leh huaisen a ding zel in;
Lalram tan i bei zel ang aw,
Kan rah chin apiang kan ram a ni.

Chatuan hmun kan thlen hunin,
Hmangaihtu Lal hmel kan hmu ang a;
Kan buhphal te chu kan hlan ang,
Nunna lallukhum chu kan chang ang.

29 Jun 2015

Ka fak ang che

Ka fak ang che

Phuahtu: C.Lalkhawliana
Satu: Mathari, Besy Choir (2011-2014)

Sual in ka nun tibuai mahse,
I thatna in min chelh ka bo loh nan;
Ka nun min siamthat fo avangin,
Ka fak fo ang che ka tlantu duhtak.

Aw Lal Isu, misual te thian,
Fak tawk che thiam lo mah ila;
Ka aw neih in (Aw Isu) ka fak ang che,
Ka theihna zawng pawh i ropui nan.

Sual thim a vakvai boral hnu,
Ka tlantu hmangaihna aw in min ko;
Ka sual ngaidam in min chhandam a,
Nunthar min pe ka thla muang in a leng.

Khawvel harsat leh buaina te,
I nunah beidawnna a thlen em ni?
Sual bawih atan tunah lo chhuak la,
Lal Isua chanchintha mitin damna.

27 Jun 2015

Mual hla kar dan

Mual hla kar dan

Phuahtu: Christopher Lalrinfela
Satu: K Lalchamliana, R Lalbiaktluanga (Tetea), Rka Bawitlung, Duhawma Hmar

Mual hla kar danah i liam ta a,
Aw, ka van ngai thin che em;
Nang nena kan lenlai ni kha,
Thinlaia'n a lo thar leh thin;
Mahte'n i awmkhawhar chang ni hian,
I dawn ve hian ka ring thin e.

Ngui te'n tuan zai i rel ni khan,
Aw, ka thinlai a van zing ngei;
Awmdan pawh ka thiam dawn nemaw,
Lenrual zaleng zawng zingah hian;
Tlaini eng mawi, tuan zai i rel khan,
Aw, ka thinlaia'n a cham reng.

Chawltui ning zu ka han dawn thin a,
Kara ngaih tih reh nan tiin;
Mahse, reh lo a lo zual zel si,
Chhun nilen mahte'n hman chang hian;
Lenna tlang dang atang hianin maw,
Tawn leh ni awm leh tak ang maw?
 

Mual hla kar dan

Mual hla kar dan

Phuahtu: Laltanpuii Hnamte (Tpi)
Satu: Zualbawihi (R.Lalhmangaihzuali)


Hawi vel ila suihlung a leng
Thlir nin awmloh romei zam riai sawn e
Ka di mual hla kar dan a leng ngaiin luaithli min nul tir e.

Thangvan han thlir ila suihlung len a bang lo,
Chhawrthlapui leh siar zawng ten;
Lungrual in an mawina par an tlan a,
Kei ka tan zawng di ngaih ti zualtu mai an lo ni si.


Lenrual zawng ten kawpten an leng,
Kei ve zawng e riang maw iangin  ka vai ruai bawih te;
I zun ngaih reng ai chuan fam dai rial chan mai ka nuam e.
Di

Di

Satu: Zualbawihi (R. Lalhmangaihzuali)

<Kumsul tam pawh liam mahse
Nangngaih banzai reng ka rel thei silo
Hei chauh hi ka hlan nang che.>


Di, i zun ngaiin tlaikhua ka var leh thin,
Mahse, nang chuan in dawn zai mi rel silo maw;
Lunglam ka vai sei thlawn e, kei lungmawl hian.

Sakhmel intawnni kha reilo te mah nise,
Lungruk a hlim ngei e ka tang ah reilo mahse;
I bei lai nite kha aw, nghilh thei hian ka mawi lo.

Theihse ka lunglen hi amten i kiangah ngei,
Hlan che ila ka chan i dawn thiam tur a;
I anka nem min hnemtu ka nghak reng a sin.

Zanmu chhin zai rello hian ka dawn thin che a sin,
I zun ngai riang lungmawl hi ka vai ruai e.

Ooo..Ooo..Di, i zun ngaiin tlaikhua ka var leh thin,
Di, i zun ngaiin tlaikhua ka var leh thin;
Mahse, nang chuan in dawn zai mi rel silo maw,
Lunglam ka vai sei thlawn e, kei lungmawl hian.
Khua tuah loh di

Khua tuah loh di

Phuahtu: Zoremi Colney
Satu: DJ Lalvenhimi


Khua tuah loh di nang nen,
Duh reng sam ang kan inthen hi;
Mahse, di bawihte, nang nen chuan,
Khuanu ruat kan ni si lo, a pawi em mai.

A na ka ti, a na, duh reng chung sam ang then,
Engtin nge kan tawnah hlim te'n;

Tuan zai kan rel tak ang le,
Lunglen a bang thei si lo.


Enga'n nge maw nang nen,
Luahlai rem lo tur di nang ang;
Sakhmelmawi hi  ka lo tawn che,
Van a duai chuang em ni kei ariang tawnah.

Awle, khua tuah loh di,
Khuarei kumsul ang liam ang hian e;
Duhlai di then suihlunglen hi liampui thuai se,
Nang ngaih banzai ka rel nan.

24 Jun 2015

A mawi ber (Medley)

A mawi ber (Medley)

Satu: C.Vanlalvuana

Lalpa Isua a mawi ber e,
Isua....
Lalpa Isua a mawi ber e,
Lalpa Isua...

*Lalpa chu a makin a ropui a tha ber,
Chhingzo reng awm ang maw Lal Isua;
Mitdel ten an hmu ta, bengngawng ten an lo hre ta,
Ka Lalpa Isua hi a mawi ber.

Repeat *

Lal Isua aw nem leh zaidamin,
Hlau suh ka awmpui ang che;
He khawvel hrehawmah leng mah la,
Ka hruai zel ang che min ti

**Isu, Isu, Isu...
Hming mawi ber Isua;
Lawmna thuruk min pe tu,
Ka fak zual zel fo ang che.

Tlansate a hnenah hruai turin,
A lo kal leh hunah chuan;
Chatuana ahnena cheng turin,
Min hruai dawn a ram nuamah.

Repeat **

Lal Isua ka neih chinah chuan,
Lal Isua ka neih chinah chuan.

Lawmnain min rawn vur tuipui fawn vel angin,
Lal Isua ka neih chinah chuan,
Lal Isua ka neih chinah chuan,
Lal Isua ka neih chinah chuan.

Lawmnain min rawn vur tuipui fawn vel angin,
Lal Isua ka neih chinah chuan.

Repeat *

Ka Lalpa Isua hi a mawi ber,
Isua a mawiber e, Lalpa Isua,
Isua...a mawiber e, Lalpa Isua,
Isua...a mawi ber e, Lalpa Isua,
Ka Lalpa Isua hi (Aw) a mawi ber,
Lalpa Isua...Isua a mawi ber.

23 Jun 2015

Haleluia (Hallelujah)

Haleluia (Hallelujah)

Satu: Judith Lalremruati

Rimawi ropui leh rilber chu,
Lal lunghnemtu Davida hlan;
Mahse, engmah ni ngai silo a maw,
Aw, ka hril zel dawn chu chanchin chu;
A mawina leh aw, a ropuina,
Lal Davida chuan hla in Halleluia.

Haleluia, Haleluia,
Haleluia, Halleluia.


I rinna chu fiah in a awm a,
Sakruang mawina leh duhawmna;
I do zo silo chhawrthla enghnuai ah,
Atang nemah a pawm che a;
I hlanta maw aw i bahsamsei,
Chakna reng neilo in aw, Haleluia

Siamtu Pathian Lal ropui chuan,
Khawngaihna leh ngaihdamna in;
Min thlir reng thin suala ka bo hnu hi,
Sual sim in a hnen pan mawi rawh;
A hmangaih che aw, a nghak reng che,
Pan mai rawh aw, a nghak reng che.

Haleluia, Haleluia, Haleluia,
Haleluia, Haleluia, Haleluia....
Haleluia....

Haleluia...Haleluia..

22 Jun 2015

Harhna ropui

Harhna ropui

Phuahtu: Lalnunpuia Hrahsel
Satu: Zoremi Ralte, Ruth CVL Muanpuii & RC Lalruatdika (Tetea)


Kan lawm a che Thlarau Thianghlim,
Kan thlahlel che aw, kan duhber che;
Lung hmunkhat a a mite hruaitu chuan,
Kan ram dung leh vang fang zel ang che.

Fak zel che ka nuam aw, Lalpa duhtak,
Harhna ropui min pek vangin;
Kan ram sual mei ang kangfai zel la,
Kan lawm e, kan chawimawi che Thlarau Thianghlim.


Amah beisei a pantute chu,
A ngaidam zela a chenpui zel;
Keipawh ka sualna nen ka pan a,
Aw, i sual ngaihdam a ni min ti.

Thil kan hmuh leh kan hriatte hi,
Sawi lovin kan awm thei lo a ni;
Ka Lalpa chawimawia i awm chuan,
Chu chu ka tan chuan a tawk reng si.

Thiam loh chan reng ka hlau tawh lo,
Ka thiamchanna chu Krista a ni;
Leiah vanram nun chu tem lawkin,
Lal buhzem ringin ka nung tawh si.

5 Jun 2015

A thilphal ngei e

A thilphal ngei e

Phuahtu: R. Vanlalzauva
Satu: H. Lalmuankimi

Ka chhandamtu chu a thilphal ngei e,
A lo hmang duh si ka nun leh thilpek;
Kohhran kaltlang in thlarau boral ten,
Chhandamtu Isua an lo hre ta e.

Ka chawimawi vang a mawi ni lo mahse,
Ka thilpek vanga lawm ni lo mahse;
Misual nung tlak lo chawimawi phaltu hi,
Ka damchhung zawng hian a rawng ka bawl zel ang.

Ka chhandamtu chu a thilphal ngei e,
Thihna leh nunna phuarte phelh tur a;
Thuneihna sangber kohhran ho min pe,
Khawngaih thilpek ah a sang ber awm e.

Ka chhandamtu chu a thilphal ngei e,
Anchhedawng kraws ah ka tan a thi a;
Tuihal dangro in ka tan a tuar si,
A te lua emai ka thilpek ve hi.

Ka chhandamtu tu a thilphal ngei e,
Van khua leh tui ah min hlang kai si a;
Ka tan hmun siam in rochan min pe a,
Hmangaih thilpek nen i chhang let ang u.

26 May 2015

I hnen ka lo kir e

I hnen ka lo kir e

Phuahtu: R.Lalremruata (Parema)
Satu: Pensy B.Lalthangliani


Isu chhandamtu i kebulah ka lo kun e,
Ka thinlung hian aw Lalpa nang chauh a duh fo thin a,
Mahse, he thinlung hian sualna ral a do zo silo,
Ka sualna zawng min hneh sak turin I hnen ka lo kir e.

Isu, hmangaihtu, ka tawngtaina lo ngaithla la,
Ka mangan aw hian Lalpa, thlamuantu a au fo thin a;
Muanna nei thei tur hian, engdang reng an awm mawlh si lo,
Khawngaihtu Lal Isu ka ngai che, I hnen ka lo kir e.


Thlamuanna famkim ka chang ta, Isu i hnen a muanna,
Lawmna famkim tak mai chu ka lo hrechiang ve ta;
Ka thlahthlam phal tawh lo'ng che Lal Isu,
I hnenah chauh hlimna ka chhar ta, I hnen ka lo kir e.

Isu, ka thla hruaitu, I kiang a awm reng thei turin,
Thlarau in min hruai zel la, ka bo ka pil min phal suh;
I hniak hnung zui tur hian Lalpa ka theihna te tlem hle mahse,
Lalpa I chakna ring chung zelin I hnen ka lo kir e.
Ka Lalpa kraws

Ka Lalpa kraws

Phuahtu: Pastor C Saikhuma
Satu: C Luri


Lei leh van thil zawngte aiin,
Ka Lalpa kraws ka chhuang a;
Chutah chuan ka Lalpa chu,
Ka aia a thih vangin.

Chhandamtu hnenah ka in pe,
A nunna min pek vangin;
Hmangaihnain ka chawimawi ang,
Chatuan ram ka thlen thlengin.


Keiin khawvel ka khengbet a,
Khawvelin min khengbet a;
Ka Lalpa kraws vuan chung zelin,
Lei ram hi ka chhuahsan ang.

Ka mithmuh leh ka beng hriat ten,
Sual lamah min hip mahse;
Thlarau thianghlimin min hruai a,
Hnehna chu ka chang ngei ang.

Aw chhandamtu, min hruai zel la,
Damlai kawng chhuk chhoah hian;
I tlansa te i lawr hunah,
Kei pawh min hruai ve ang che.

Min hmangaihna

Min hmangaihna

Phuahtu: Pastor C.Saikhuma
Satu: C.Luri


Misual boral mai ka lo ni,
Mahse Lalpan min hmangaih a;
Chhandamna kim min siam sak a,
Tunah hian ka lawm em em.

Min hmangaina ka sawi seng lo,
Ka bat zawng zawng min tlak sak a,
Ka chhandamtu chu ka fak ang,
Theihtawp chhuah in ka zai zel ang.


Ka nunna hi amah ah chuan,
Him taka thuhruk a ni a;
Thianghlimna leh thih thlamuanna,
Min pe ta ka chhandam tu'n.

Chawimawi tlak te ka chhandamtu,
Ropuina leh thiltihtheihna;
Kumkhua in i ta ni rawh se,
Haleluiah ka chawimawi ang.

Van thuthleng ropui kalsan tu,
Bethlehem leh kalvari ah;
Chhumzing a lo kal leh tur chuan,
Tlansa te min lawr thuai dawn.

25 May 2015

Isua hmangaihna

Isua hmangaihna

Phuahtu: Pastor C.Saikhuma
Satu: C.Luri


Awmkhawhar chang ni hian ka ngaihtuah fo thin,
Chhandamtu hmangaihna mak tak mai chu;
Engtin nge maw lei leh van lalber fa si,
Kei misual min chhandamtur a lo kal.

Aw Lal Isu, i hmangaihna a va mak em,
Lal leh chhandamtu atan ka pawm che;
I hmangaihna ka thinlung ah nemkai la,
Nangmah fak hi ka damchhan ber a ni.


Bethlehem bawng in tlawm ah a lo piang a,
Kalvari ah ka tan a nun min pe;
Van biak buk ah puithiam lalber a ni a,
Min hruai turin a lo kal leh dawn si.

Hringnun mawi ka sual silhfen hlip a,
I thisen hlu ka thinlung silfai na;
Min sawipuina van ka beiseina awm chhun,
Min hmangaihna ka rul seng lo.

Aw Lal Isu tihtak meuh in ka dil che,
Damlai kawng chhuk chho ah mi kai ang che;
Chhumzing ah khian tlante i lawrkhawm hunah,
Khawngaih takin Lalpa min hmaih lul suh.

Hmangaihna langchhuak

Hmangaihna langchhuak

Phuahtu: Pastor C.Saikhuma
Satu: C.Luri


Hmangaihna langchhuak ka hmuh theih zingah,
Tehkhin phak loh chu ka chhandamtu;
A van ropuina hlip in a lo kal,
Kei misual ber tan a lo thi ta.

Min hmangaihna chu ka theihtawp chhuah in,
Ka damchhung zawng hian ka fak ning lo'ng;
Aw ka chhandamtu thlarau thianghlim in, 

Min hruai zel ang che chatuan thleng in.

Lei nu leh pa ten fate an hmangaih,
Ram hmangaih ten ram tan nun an pe;
Ka chhandamtu hmangaih chungchuan na chu,
A hmelhma kei min lo chhandam ta.

Mimawl ber tan a hriatthiam awlsam si,
Mifing ber tan pawh chhuisen rual loh;
Pathian hmangaihna tarlanna chiang ber,
Ka chhandamtu kraws ngei kha a ni.

Aw ka chhandamtu i hmangaihna nun,
Ka thinlung chhungah nemkai ang che;
Hmangaih vang a tlante i lawr hunah,
Aw chhandamtu min telh ve ang che.

Rawngbawltu tawngtaina

Rawngbawltu tawngtaina

Phuahtu: Pastor C.Saikhuma
Satu: C.Luri


Lalpa, keizawng mirethei tak ka ni a,
Lei hausak leh ropuina ka dil lo che;
Chung aia hlu ka chhandamtu Lal Isua,
Ka neih phawt chuan thinlung in ka lungawi e.

Thlarau thianghlim min chan tir la,
Van hausakna min pe la;
Lei ropuina aia hlu zawk,
Lalpa, nang in min pe ang che
.

Lalpa, kei zawng i rawngbawltu ka ni a,
I kraws bulah thlarau tamtak hruai ka duh;
Thisen hlu a i tlansa mi tam tak te,
Chhandam anni lo ang tih ka hlau em e.

Lalpa, kei zawng van kanan kawng ka zawh a,
Harsatna leh buaina ten min chim mahse;
Nangma zarah i chakna a innghat in,
Ka hawikir lo hmalam ka pan zel dawn e.

Damlai kawng chhuk chho mahse ka zam lo ang,
I lo kal leh na ni a hnai tih ka hria;
I tlansa ten ropuina an chan hunah,
Kei rethei hi Lalpa min hrereng ang che.

Ka pianpui nungchang

Ka pianpui nungchang

Phuahtu: Pastor C.Saikhuma
Satu: C.Luri


Ka pianpui nungchang min ti mualpho tu,
Ka chhandamtu kraws min ti mawi tu;
Misual beisei bo hremhmun hmabak mai,
Chhandamtu ngaiin ka lo rum e.

Ka chhandamtu kraws ka han thlir chiang a,
Tahchuan nunna tui nung ka chhar ta;
Thlarau thianghlim a piantharna min pe,
Ka thinlung lawmin a luangliam ta.


Khawvel thil ah chuan chhuan reng ka nei lo,
Daikil kar a mirethei ka ni;
Ka beisei chhanber ngaih man awm Lalpa,
Ka chhandamtu kraws ka chhuang a ni.

Khawram chhimbuk leh thlaler tuivalawng,
Sakhi luite tui a hal ang hian;
Ka nun ram ngaihber chhandamna famkim,
Ka thinlung ril hian a zawng fo thin.

Ka chhandamtu kraws nitin ka thlir thin,
Ka damchhung zawng hian ka vuan zel ang;
Khawngaihte beisei chatuan vanram ah,
Min hruai turin a lo kal thuai dawn.

23 May 2015

Nghilh lohna par

Nghilh lohna par

Phuahtu: PS Chawngthu
Satu: Rebecca Saimawii, Mimi Lalzamliani

Sam ang thenni te zawng lo herchhuak leh thin e,
A mi leng tawnah hian tuar dan hril thiam awm maw?
Duhlai leng zing zin tur, hnahnem hling par an hlan,
Nghilh loh nan ser ang cham thei tak maw?

Nghilh loh ngaihhrui thu di thlun nan lo par chhuak e,
Inthen ni lo her chang lunglen damte'n thawi nan;
Vangkhaw sirah sedai theu a pal karah,
Thliah lai nghak in a lo par pawl riai.



Nghilh bik lo'ng che, mangtha

Nghilh bik lo'ng che, mangtha

Satu: Rebecca Saimawii, Mimi Lalzamliani

Zantlai in kan run kai zawl a chhuak,
Chhawrthla a eng no riai;
Suihlung min len si thinlaiah,
Nang tawn loh vang hianin maw?

*Theih chang se, kumtluang atan,
Ka thlang ber che runlum puia'n;
Chutin ka lawm a kim tawh ang,
Suihlunglen di ngai lo vin.

**Aw, i sakhmel mawi, kei ka lawmna,
Vul zel se a riang ka lawm'an;
Mahse, aw, min dawn pui silo,
Ka riang lua e, ka di ngaiin,
Ka hril tam ta biahthu di zawng,
Nghilh bik lo'ng che, mangtha.

Repeat *
Repeat **


22 May 2015

Eden sual natna

Eden sual natna

Satu: Lalnunsiami

Eden sual natna ka vei a,
Lal Isua hmuh ka duh e;
Khawnge tidamtu chu a awm le?
A hnenah min hruai ta che.

Ka nun hi lungngai in a khat a,
Hlimna reng reng pawh ka nei lo;
Seol thihna hrui hian min zem a,
Lal Isua hmuh ka duh e.

Misual vakvai mai ka ni a,
Ngaihdam tlak em ka nih le?
Mahse, boralna thlen ka zuam lo,
Lal Isua hmuh ka duh e.

An sawi damna Kalvariah,
Misual khenbehnaah chuan;
Tahchuan tidamtu a awm ka hria,
Ahnenah min hruai ta che.


11 May 2015

Mamawh chhanna Lal Isua

Mamawh chhanna Lal Isua

Phuahtu: C.Lalruatkima (Cee-a)
Satu: Trio - Bethsy Lalrinsangi, Lalneihzeli Sailo (Temi Sailo) leh Pensy B.Lalthangliani 

Hringnun kawng hreawm kan zawh mek lai hian,
Damchhung khawsak lungkhamna tinreng ten;
Nitin min chim buai fo thin,
Hahchawlna zawng, Krista tel lo nun chu,
Lungngaih buaina thlen tu mai lo ni si;
Ring a A hnena tawngtai thin tu chuan,
Muanna famkim a chang thin.

Tuihal apiang te tan tuihal rehna,
Tuinung lui Krista chu a ni si a;
Rethei riangvai tan hausakna Krista,
Khup zawi te tan chakna a ni si a,
Mamawh chhanna Lal Isua a ni;
Damna famkim a ni...
Muanna famkim Krista chu a la pangngai reng si.

Hringfa sual a bo hnu tlanchhuak turin,
A ropuina kalsan in hringfa zingah;
Hreawm tinreng tuar turin,
A thisen luang chhuak chuan min rawn chhandamta,
Sual vanga hliam tuarte te tan damna kim;
Gilead thinghnai ngai lovin damna min pe,
Mamawh chhanna famkim a ni.

I nunnah harsatna lo thleng thin mahse,
Aw ringtu chau in zam mai suh ang che;
I harsatna A hnen thlen la,
Nangni thawkrim leh phurrit phur zawng te,
Ka hnen rawn pan ru hahchawlhna in hmu ang;
Tiin Krista chuan nang leh kei min sawm,
Mamawh chhanna famkim a ni.

9 May 2015

Ka zai chhan Isua

Ka zai chhan Isua

Lettu: V.Thangzama
Satu: Saizikpuii Sailo, K Zomuanpuii (Tetei)
, Angeli Lalhmangaihzuali


Leiah rohlu chhuangin zai mahse,
Nawmchenpui zawng hril mahse;
Kei ka zaipui chu Lal Isua hming hlu,
Ro tha leh hlu chuai ngailo chu.

Ka zaichhan ber Isua hlu ber hi,
Hla taka ka eng a ni;
Fak leh chawimawi phu ber Lal Isua,
Varparh-arsi-engmawia;

Ani chu chaklo min ti chak tu,
Lung min hnemtu ka lawmna ber chu;
Ka saron parmawi Isua chu a ni,
Ka zaichhan ber chu a ni.


An sawi an hril thil lo lam an hril,
Khawvel mite hriat chak thil;
Mahse hril  fo se ngaihnawm a tling lo,
Kei ka zai chhan hi a tluk lo.

Hmangaih a thar zing dai ang a var,
Zingtian khawvar ang a var;
Isua pek hlu ber kan tan lawmna ber,
Teh kher lova pek lawmna ber.

Hun pawh sei se kan kum pawh rei se,
Hmangaih hla dang a leng lo'ng;
Chu chu a ni kei ka kumkhaw hla ve,
Sak zawh reng hi a awm thei lo.

5 May 2015

Ka thupui ber

Ka thupui ber

Phuahtu: C Lalzarmawia
Satu: C Lalzarmawia, The Kneeling Band, KC Lalthanzuali, Baptist Choir Aizawl


Ramtiam lam panin chak lo tak chungin nitin ka kal a,
Mahse, aw Lalpa, chimbuaitu an tam ngei, ka kal thiam lo;
Setana'n nitin min bei, nangmah kal bo san turin,
Mahse, chak lo ber lai paw'n ka peng ngam lo,
Lalpa, nangin min chelh tlat rawh.

I ta ka ni e, chatuan atan,
Ka thiamna, finna zawng te;
Lalpa, i tan a ni,
Hei hi ka thupui ber - nangmah fak hi.


Tunah, aw Lalpa, hei hi ka hria a, lawmthu ka hrilh che,
Ka tlin loh anga nangin min pawmin min lo duh si;
Ka sualna zawng zawng te hi mite'n hrereng thin mahse,
Lalpa, nang erawh chuanin i theihnghilh si,
I hmangaihna ka fak fo vang.


3 May 2015

Babulon

Babulon

Phuahtu: Biakdika (Bda)
Satu: Saizikpuii Sailo


Babulon luikam ah thuin,
Ka nun hian Lalpa a ngai si a;
Engtin nge mi ram atang chuan,
Zion hla mawi chu kan rem theih ang le?

Babulon ram atang hian,
I chaknain min hruai chhuak la;
I thlarau thianghlimin,
Zion fa ten Zion hla mawi chu kan rem thei tawh ang.


Babulon luikamah thuin,
Tap leh rumin tlai ni ka leng thin;
Engtin nge thim ram atang chuan,
Zion Pathian tan kan zai theih ang le?

Babulon luikamah te chuan,
Perhkhuang tingtang te kan bang thin a;
Khawvelin hlim turin min ngen,
Lalpa, i tel lo chuan ka hlim thei lo.

Aw Isu, ka theihnghilh lo'ng che,
Ka hlimna ber aiin ka thlang che;
Edom ho chakna atang chuan,
Lalpa'n min hruai chhuak ta, Haleluiah!

Kalvari tlang atang chuan,
Zion khawpui kan thleng ta;
Kan rimawi perhkhuang nen,
Zion fa te'n Zion hla mawi chu remin kan zai ta.
 
Lal Isua thian duhawm

Lal Isua thian duhawm

Phuahtu: T.Romama
Satu: Baptist Choir - Aizawl, Saizikpuii Sailo,
 
Lal Isua thian duhawm ka neih hnu hian,
Kawngka zim lam ka zawh tan a lo ni;
Ka doral sualna chhum a lo lang a,
Mahse, aw, hnehna chu ka ta a ni.

(Hringnun a ral hunin) Lal Isua hmel ka hmu ang,
Thihna fate tlantu chu;
He khawvel hi bo mahsela,
Lal Isua ka nei tawh si.


Ka tih thinte ka tih a rem tawh lo,
Ka tih ngai lohte tih a tul zawk a;
Thinlunga Lal atan ka lo thlang ta,
A duhzawng ang a awm atan min duh.

Engah nge ka rilru a buai thin le?
He khawvel thilte vang a lo ni e;
Lal Isua'n sualna zawng a hneh zo ta,
Lal Isua hming chu fakin awm rawh se.

2 May 2015

Hmangaih lalnunnem

Hmangaih lalnunnem

Phuahtu: Zirsangzela Hnamte
Satu: Mimi Renthlei

Ka han thlir vela i lenna tlang khi
In run lamtluang kawi a her liai e;
Ka suihlunglen tuar zo ta lo hian,
Tlang than dawn lo te'n ka rawn chhui thin.

Hmangaih lalnunnem,
Ka ngai a che, ka ngai ber che;
Tawng lehin ka mawi lo,
Nang ang lungdumtu.


Mahse, in run kai ngam si lo hian e,
Ka hawi ruai ruai thin i sakhmel vaiin;
Hmangaih di nunnem chhun ni zan tluanin,
Ka ngai, ka ngai che, ka ngai vawng vawng che.

Ka suihlungdum di, ti hian ka zawt a che,
I awmkhawhar zual lunglen ni te'n;
I ngaia zan mu chhing lo kei hi,
I thinlairukah mi dawn ve thin em?

Daisy

Daisy

Satu: Lallungmuana

Awmkhawhar a lunglen changin ka ngaizual che,
Thinlai hnemtu khawnge i awm;
Ka tah nan maw i lo vul le.

Suihlunglen chang in ka ngai zual che,
Daisy i zunzam ka phur zo lo;
Min hnem ve la aw a riang lawm an,
Daisy ka ngai ber che.


Nang nen lungrual a kan lenlai ni zawng te kha,
Nghilh thei reng hian kei zawng ka inring lo;
Aw vawikhat tal nang nen intawng leh ila.

Tunah nang nen tawnni herchhuak lo mahse,
Vawng zel ang rinawmna kan tiam zawng kha;
Kumtluang a lendun zai i rel zawk ang.

Aw vawikhat tal hmangaih biahthu,
Min hlan leh la ka lunglawm nan aw;
Hlimten laitual i leng dun ang,
Karah hmelma lengvel mahse,
Rinawmna vawng dun zelin;
Tangah in pawm in in nghak zel ang khuarei mahse.
Dawnsei changin

Dawnsei changin

Satu: Lalthansanga Ralte

Kan hlimlai ni zawng te kha lungruk a'n,
Thar chang ni a nei thin;
Nunhlui khuarei chang hnu ka dawn changin,
Thinlai mu hnu lunglen a tho leh thin.

Aw, dawnsei changin thinlai a zing riai e,
Tahna mai tura'n maw ka lo tawn che.


Hmanlai chang zo tawh hnu kan hlimni kha,
I dinthar leh ang aw;
Nunhlui par ang chulhnu ti vul turin,
I tiam dun ang thenloha kan len nan.

Hmanlai chang zo tawh hnu kan hlimni kha,
I dinthar leh ang aw;
Nunhlui puan ang chulhnu ti vul turin,
I tiam dun ang thenloh a kan len nan.


Lalngo tah ka bang dawn lo

Lalngo tah ka bang dawn lo

Phuahtu: Thanghmawnga (Sialsuk)
Satu: Lalthansanga Ralte

Lalngo tah ka bang dawn lo
Ana kei a tuar an
Laikhum zal a dawn chang reng in
Riang thlawn mai tur ka lo ni e.

Engtin damten ka lo tuar ang,
Mahten suihlunglen hi;
Ka riang chuang e zaleng zing ah,
An awm mawlh lo thinlai hnemtu.


Hmangaihzual i tello chuan,
Mahten ka lo vai e;
Aiang i cham dawn lungruk ah,
Nghilhni awm lo tawnmang ah pawh.

Ar ang ka vai dawn em ni,
I tello chuan kumtluang;
Hai ang tarlo i sakhmelmawi,
Biak leh nan kumsul min tiam rawh.

Engah kher ka lo tawn che,
Rairah suihlunglen nan;
Chuailopar iang i sakhmelmawi,
Enchim si loh ka tan tah na.


Kan chhimtlang dum dur

Kan chhimtlang dum dur

Satu: Lalthansanga Ralte

Kan chhimtlang dum dur kan lenna tlang phei duai,
Ka dawnin awmkhawhar suihlung len in;
Engtikah dar ang kan lenna hmun a'n maw lungrual a,
Aw, ti hian ka ngaihtuah thin,
Ti hian ka ngaihtuah thin, ti hian ka ngaihtuah thin.

Ka ngai che mi u, suihlung ti leng reng reng,
I ni e, nghilhni awmlo, Ainawnpar;
I zunah vala ka uai, tlei dang ka chhai thiam silo,
Aw, relthang ka dawn zo lo,
Relthang ka dawn zo lo, relthang ka dawn zo lo.

I mawi e mi u, tleitir sakhmel sensiar,
I iang e lilipar mawi sen sirsiar;
I zun ngai vala ka uai, tleidang ka chhai thiam silo,
Aw, nghilh ni ka nei lo'ng che,
Nghilh ni ka nei lo'ng che, nghilh ni ka nei lo'ng che.

Kan hellai mi u, tleidang lem ang der suh,
Min nghak la fiara tui ang tum kum chu;
Nang lo chu ka thinlaiah tleidang an kham thei silo,
Aw, nghilh ni i awm dawn lo,
Nghilh ni i awm dawn lo, nghilh ni i awm dawn lo.

Kan hellai mi u, tleidang dar ang a chhai an ti che,
An ti che, tawnmangah kan vangkhuaah;
Ka harh chuan nau ang ka tap nuih zai reng ka rel thei lo,
Aw, ngaih ruk i nei an ti,
Ngaih ruk i nei an ti, ngaih ruk i nei an ti.

I sakhmel ni ang a eng a chuai zo ta,
I lunglaiah kham val chu tu nge ni;
Min hrilh rawh aitenawnpar, tleidang dar ang i chhai chuan,
Aw, lunglai ka her thuai ang,
Lunglai ka her thuai ang, lunglai ka her thuai ang.

Tlaini tla eng hian suihlung min len em mai,
Ka duhber nang chuan min nghilh lul suh la;
Chung Pathian hualhim zelin zamual chu ka liam ta'ng e,
Aw Parmawite, dam takin,
Parmawite dam takin, Parmawite dam takin.


Kan hellai tleitir lengi

Kan hellai tleitir lengi

Phuahtu: Laltanpuia (Sialsuk)
Satu: Lalthansanga Ralte, H Lalthakima

Kan hellai tleitir lengi,
Tlang za rel thang dawn lo hian;
Tleidang nemrang puan a zawn an ti,
A chhai lai val ka tawnah;
Biahthu thlung bang si lo hian,
Chhingkhual val sul ang zui i tiam si

A la thang thui dawn em,
Kan sakhming khuavelah;
Hallelui ang chinlai deng kim se,
A tha val Partinlawri;

Lem ang der thiam mi u,
Kumtluangin lunglai i her awm e.


Lunglai her la, her zel la,
Tlei dang pawh va der zel la;
Rairah riang val kei ka kiang na'ng e,
Tumtawk leng chu zawng vein;
Chung Pathian Khuanu zarah,
A damin Parte, i dam dun ang.

Khaw thal tui ang ka nghak che,
Tlang za rel thang dawn lo hian;
"Thuam ang i do dun ang," i ti a,
Lung ka chhir ngei nang ngaih zawng;
Khuarei tinkim dawn changin,
Dam takin leng dang va der zel rawh.


Thih leh thih

Thih leh thih

Satu: Lalbiakthuama

Thlaru tuipui khup chen a ka dai laiin,
Nghawng chen a dai turin min ko va;
Nhawng chen a dai a ka in ngaih laiin,
A hleuh a hleuh turin min ko ta si.

Thih leh thih leh dam leh dam,
Min hruaitu mei leh chhum pawh an kal zel;
Khawram hnuchhawnin enge ka chan sual ang,
Kan zui leh mai phawt ang che awle.


Rinna in Kanan ram ka pan laiin,
Mei leh chhumin ka hma a hruai zel;
Manna vahmim ka dawn vangin maw,
Awmhlen ka tum a hruaitu ngaihsak lovin.

Hmanah Mosian Kanan ram a pan laiin,
Dan hmangin hruai thlen hram a tum a;
Kanan ram thleng tura a hruai laiin,
A hmangaihte chu a lo famsan ta si.

Zawngtu leh a zawnte intawhna Kanan,
Tah leh hathial anchhia te a bo;
Rulpui leh naupang te an tualchai na,
A laiah entu leh vengtu beramno.
Kum sang atan

Kum sang atan

Phuahtu: C. Durthanga
Satu: Sailothangi Sailo, Mami Varte


Nizan ka tawnmang chu e, duhte'n tanga beiin,
Hmangaih biahthu then lohna nen kan in hlan a;
Mahse, zingtiang khua varin thamral leh mai si,
Ka ngai che, di bawihte.

Zantiang hi kohkir theih se kum sang atan ka au mai tur,
Mahse, chung Khuanu rorel dan rual ni si lo;
Kei ka tan zingtiang lunglen ka tuar thiam lo,
Ana em! kar lam a hla, dar ang tawn ni her thei si lo;

Ka ngai che, di bawihte.

Hai ang thangin hmangaihna a zual zel nitinin,
Mahse, lungrun i zun ngai hi min dem lul suh;
Engmah reng hi mamawh dang sawitur ka nei lo,
I hmangaihna chauh lo chu.

Lunglen

Lunglen

Phuahtu: Mimi Renthlei (Vanlalrempuii Renthlei)
Satu: Mimi Renthlei (Vanlalrempuii Renthlei)


Lunglen tuarin tlaini eng ka thlir,
Valmawi nang ngai hian;
Kum tam ka nghak thei lo'ng.

Lunglen tuarin tlaini eng ka thlir,
Valmawi nang ngai hian;
Kum tam ka nghak thei dawn em ni le?

OO..oo..oo khuarei an chang thuai se,
Nang ngaih lunglen hi
Mahten a tuar hi zawng a har valmawi.


Sirva iang in lenthiam ila,
Ka ngai bik lo'ng;
Lengzawng ten an sawi chhailai di.

Khuanun a duan hringnun dawn in,
Lunglen a hman zawng;
Ka phal mawlh silo lungrun.
Ka thlang tawh che ainawn

Ka thlang tawh che ainawn

Phuahtu: Mapuii Fanai
Satu: Mimi Renthlei


Sakhmel tawn ka nuam e,
Ka enchim loh aw duhlai;
Vuldun zel ang aw hlim ten,
I kiangah len ka lo nuam e.

Engdang reng ngailo hian,
Tlaini ka lo leng leng leh;
Thinlai hnemtu atan,
Ka thlang tawh che ainawn kumtluang in.


I sakhmel mai pawh hi,
Kei zawng ka hlimpui asin;
Mahse sakhmel tawn chhung hi,
A lo va han rei lo em.

Hmangaih tinkim ka dawn hian,
Ka nghilh lawng che lungrunpui;
I tello chuan tlei a har,
Chhun leh zan hman a rei mang e.
Kar hla di

Kar hla di

Satu: Mimi Renthlei

Chhingkhualah ar ang ka vai,
Ka tawnglo thinlai hnemtu;
Ami zaleng rual zawng te kawp ten an leng e,
Kei ka chhailai di ve khan,
Min han dawn ve ni awm maw?

Kar hla di zun a uai chu,
Tuar thiam a har ngei ka tan;
Dar ang tawn leh ni nghakin,

Zanmu reng ka chhing thei lo.

Tlangtin chuanin ka hawi vel a,
Saw raltiang ka di lenna;
Theihchang se chungmu iangin lenthiam ila,
Fan ka nuam kan tuanna tlang,
Suihlunglen a nem mahna.

Aw, hrilh in sawithiam ila,
I tawnah ka suihlung len;
Hrilh ka nuam khuavel zawng hi,
Tuar a nem mahna,
Mahse, bawihte i tello chuan
Dam chuang in ka ring silo.

Dar ang tawn leh hma chuan e,
Hmangaih thu kan tiam zawng kha;
I thinlai rukah bawihte, nghilh bik lo la;
Khuarei kumsul pawh vei se,
Rinawm in awm tlat ang aw.
Di tleitir

Di tleitir

Phuahtu: John Mawitea & Mapuii Fanai
Satu: Malsawmtluangi


Ka ngai em che, aw, di tleitir hmeltha
Ka tan parin lo vul reng la;
Chutin runhmun kan lendun theihna turin,
Damchhung hun hi, Thapui, nang nen.

Hlim te'n di lungrun i chen ang aw,
Nunhlui mualliam hnu dawn kir tawh lo vin;
Hlim te'n hma hun tur i thlir zel ang,

Aw, di lungrunpui, ka hmangaih ber i ni,
Tlaikhua kan var dun lai zawng kha;
I tawngkam tha ka tan hian a hlu si,
Ka tan hian hlimna ber i ni.

Kumtluangin nang nen vul reng ang aw,
Lungdumtu nang lo he leiah hian e;
Tawn ka inring lo, valmawi, nang lo.

Hun kha leh chen kha e, dam te'n kan lengdun,
Tunah nunhlui mual an liam ta;
Ka ngai vawng vawng che ka thinlai hnemtu kha,
Dam te'n khua hmun lengdun leh ang.

Ka tan chuanin ka thlang lo lengdang,
Nunhlui mualliam hnu dawn kir tawh lo vin;
Hlim te'n hma hun tur i thlir zel ang.

Rawllai ka di

Rawllai ka di

Phuahtu: T Lalnunzama
Satu: Vanlalchhuangi, Lalramhmangaihi, Zaitei Ralte


"Khawia'n tuan maw?' tiin zirpui lenrual hlui te,
Zah pawh dawn zo lo vin zawtin ka zawng che a;
Saw raltiang vangkhuaa'n tuanin a leng an ti,
Ka hmangaih enchim loh, ka tan vul zel che  maw?

Tawn leh ka nuam ngei e aw, rawllai ka di te kha,
A chamreng thin thinlaia'n, thiamna run khat bel a;
Dar ang kan lenlai ni te, kohkir leh theih ni si lo,
Hlimtea kan lenlai hun a van rei lo tak em.


Chhemdam thlifim dam te'n nem te'n va leng zel la,
Ka di thlan dartui luang nem te'n lo chhem dam la;
Hliahtu van rang chhum, aw, muang te'n zing cham rih la,
Turni sensa hnuaia tuanrel ka di hliahin.

Aw, thian koh thiam huiva thlawkin va leng ta la,
Ka di runsang belin ti hian min va hlan la;
"Nang ngai suihlunglengin chhin zai a rel thei lo,
Hram thiam rimawi tin paw'n an hnem zo lo," tiin.
 
Fanghma tuaitirte (Ramthar zai)

Fanghma tuaitirte (Ramthar zai)

Satu: Thakthinga YMA Zaipawl, Zualbawihi, KC Runremsangi

Ka thlawhlai pangpui chu fam lul suh, fam lul suh,
Ka bel ang che vanzawl ni dul loh changin;
Awi maw, va tireng, va tinreng an kaina thuam liai luai.

Awi maw, thuam liai luai, thuam liai luai, thuam liai luai,
Ka bel ang che vanzawl ni dul loh changin;
Awi maw, va tinreng, va tinreng an kaina thuam liai luai.

Berhva te'n hawngah mi sawm em ni, mi sawm em ni?
Kan la tiam lo hmatiang kan hlen rih dawn e;
Awi maw, mi u an, mi u an au lo e saw ralah.

Awi maw, saw ralah, saw ralah, saw ralah,
Kan la tiam lo hmatiang kan hlen rih dawn e;
Awi maw mi u an, mi u an au lo e saw ralah.

Fanghma tuaitirte a chhawl min thuai, chhawl min thuai,
Changlo mahse a chiah dah ka nuam e;
Awi maw, vanneih thil, vanneih thil thuah a to mahna.

Awi maw, to mahna, a to mahna, a to mahna,
Chang lo mahse a chi ah dah ka nuam e;
Awi maw, vanneih thil, vanneih thil thuah a to mahna.

Chhura sangha vua

Chhura sangha vua

Phuahtu: Lalmama
Satu: Tuikual South YMA Zaipawl


Hmakhawsang nghaleng dawi Chhurbura kha,
Zaiin ka hril dawn e;
Suihlung a rualpui lenrualte zawng khan,
Zamual an liam zo ta, 
Kir zai rel thei lo, liam zai rel thei lo,
Chungtur a ni thlang tiangah a liam dawn e;
Vangkhawpui tumkawng zalam thuamluaiah,
Sial ang a ngir an ti.

Turinipui lenkawl a liam dawn ngei e,
Tlaikhua a ngui zo ta;
Kir leh ta nge kei ka siang lam rawn h,
Awi maw! ka kal thiam lo,
Hrailengte lawm tur lengngha ka hawn lo,
Chhimthlipui iang thailunglian engtin hrang maw;
Vangkhaw perpui dung rawn tawn ngam si lo,
Daikawm a rawn vel e.

Khua fur hawktui thang vawkpui ruangbualna,
Laichhuat runin hnuaiah;
Lengchawm beng tawkdang chawnbanah vuan e,
Chhei! amah tunkhaia,
Mi u te hmuh loh, mipate hmuh loh,
Lengngha hneha a tuai pir per ka tawng kei zawng;
Hmuh ka nuam ngei e ka thai nemduaii,
Hraileng ka tuaite zawng.

Chinlai khawm lenrual lo pung runlumah,
Tlang hrai a rel an ti;
Suihlungphang tawkdangi lo zuang chhuakin,
Pi khup a kai an ti,
Pi khup ngawi reng rawh, pi khup ngawi hle hle,
Pi khup ngawi la, tawkdangi a tlan ang e;
Hemfung chawi thinlaivai Chhurbura khan,
Pi khup a khawng vung ul.
 
Sangha vuak hla

Sangha vuak hla

Phuahtu: Rokunga
Satu: Tuithiang veng Branch YMA

Kumsul vei khua thalin khua a sang hle tun kum chu,
Khuangruahpui sur tum silo vawiin ni chuan;
Luipui dungah lenzai i rel ang aw,
Tahchuan lengngha ten laitual an leng an ti.

Lengngha man turin insiam che maw valnema,
Luipui tumbu leh lengnghate kan tawng mahna;
I hnamchem i kawlzal rawn keng la,
Lengi lunglawm an kal che maw valnema.

Luipui dung kan zuk thleng lengi lunglawm nui ver ver,
Tin rusum kan thlak e lengngha sumtual ah;
Chheih! lengngha tuihal a lang zuai zuai,
Lengngha tuai te mauraw thei belin kan chhum..

Lengi lunglawm in engdang reng a dawn chang lo,
An nui ri te chuan luipui dung a thangkhawk e;
Valan len a vawr a man leh ta,
Lengi hlim au ri rawi rawi chu aha..ha.

Chaw kan ei dawn ta e lo haw ru lengin a au,
Valneman lawmin lo chhang e annem in;
Chutih kan hlim zia chu ka hril seng lo,
Hlim leh lawmna tawp thang ihi ah..ha.

I hawng tawh ang le insiam ru a tlai ta e,
Tlaikhaw var ila kan la inning chuang lawng e;
I hnamchem i kawlzal rawn keng la,
Lengngha chhung tlai hawn tu ber chu keimah ni.

1 May 2015

Kraws ka thuam

Kraws ka thuam

Phuahtu: Upa K.Lalthanzama
Satu: Khatla Pastor Bial Zaipawl


Lei kumhlun lo ram khawhar ah hian,
Lungngai faten belh tur an zawng vel a;
Nun hlim leh chawlhna awm maw tiin,
An bel sum leh pai, aw, hausakna.

Kei chu Kalvai kraws chauh ka thuam a ni,
Chu chu ka hlim leh ka lawmna ber;
Aw, Kalvari kraws ka thuam famkim i ni.


In ropui leh mawi lirthei chitin,
Rangka dartui silhpuan tha inbel in;
Phuahkhawm thawnthu leh rimawi tinreng,
Thlamuanna tur a an thuam a ni.

Nulat tlangvalna, zu hmun hlimna,
Thenkhat ten chawlhnan a an thuam a ni;
Thenkhat ten fin leh zirsanna te,
Ka tan zawng, aw, kraws engkim i ni.


Lalthuthleng kiangah

Lalthuthleng kiangah

Lettu: Lallianmawia Tlau
Satu: Mizoram Synod Choir (2014-2016)


Phurrit phur leh chau takin lungngaia rum changin,
Khawvel hi hreawm ka ti thin;
Mahse, zam mai lovin hmalam ka pan zel ang a,
Chatuan chawlhna ka la thleng ngei ang.

Van kawtthler mawiah min rawn zawn chuanin,
Lalthuthleng kiangah min rawn hmu ang;
Van angel leh tlante nen fakin kan lo zai ang a,
Lalthuthleng kiangah min hmu ang.


Chu in nawm leh ropui zia kan hrethiam phak lo'ng e,
A chanve pawh kan hre lo ve;
Chu in ropui taka ka chhandamtu chu hmuin,
Ka thleng ngei ang hmun min buatsaih chu.

Zin kawng chanchinte hrilhin a kutah min chelhin,
Ka mittui min hrukfai sak ang;
Lawmin min kai ang a, ka lut ang hneh hla sain,
Ka thleng ngei ang Lalthuthleng bul chu.

Beramno chu fakin kan lo zai ang a,

Min rawn hmu ang, ropuina ka chang tawh ang;
Lalthuthleng kiangah min hmu ang.
 
Kan ram a ti dam leh ang

Kan ram a ti dam leh ang

Phuahtu: Sanglianthanga
Satu: Gospel Artistes


Krista hmingputu te chuan,
In ngaitlawma kan tawngtaia Lalpa kan zawn chuan;
Van atangin min lo ngaithla ang a,
Kan sualte ngaidamin kan ram a tidam leh ang.


Thilthalo titute avangin,
Inti lungngai duh suh la;
Fello taka ti thintute chu,
Hlobet angin an la vuai dawn si a.

Lalpa chu ringin thiltha ti la,
Rinawmna um zel ang che;
Lalpa Isua hming lam chung zelin,
Thuhnuairawlh leh rilru inngaitlawmin.

Rorelna chuan hnunglam min hawisan,
Dikna te an tlawm zo ta;
Thutak chu kawtthler ah a tlu a,
Engtinnge maw aw kan tih tak ang le?

Tihnuam taka kan awm zel chuanin,
Kan ram thiltha kan hmu ang;
Mahse, Lalpa lakah kan hel chuan,
Khandaih hriam in min la eizo ngei ang.
Hmangaihna

Hmangaihna

Satu: Krista Thuhretu te, Mizo Vocal Band

Mihring tawng te leh vantirhkoh tawng te in,
Thu sawi mah ila;
hmangaihna ka neih silo chuan,
Dar ri mai mai ang ka lo ni ang.

Hmangaihtu Krista zawk ah chuan,
Chatuan a dai tawh lo tur;
Pa hmangaihna ropui tak chu,
Kan chang tawh zawk a ni.


Tlang sawn theihna khawp hial a,
Rinna famkim nei thin mah ila;
Hmangaihna ka neih si loh chuan,
Ka tan engmah a sawt lovang.

Rethei chawm nan ka neih sum zawng te,
Pe vek mah ila;
Hmangaihan ka neih si loh chuan,
Ka tan engmah a sawt lovang.


30 Apr 2015

Shema

Shema

Phuahtu: Lalnunpuia Hrahsel
Satu: Pensy B Lalthangliani


Bethani a nula sual pakhat chuan,
Rimtui kengin Krista a rawn pan a;
Alabasta hriak rimtui sawhkeh in,
Lungchhir luaithli nulin Lalpa pheilai a luang.

Shema, Shema, Shema, Shema,
Misual te thian i ni;
Shema, Shema, Shema, Shema,
Keipawh min ngaidam rawh.


Ami leng zawng ten lungte fawmin an sel,
Thinlung engphiar hmaipu in an diriam;
I sualte ngaihdam a ni ta tiin,
Belhtlak Isua chuanin ngaihdamna famkim a pe.

Keipawh Isu misual ve bawk ka ni,
Ka thinlung sawhkeh in ka lo kir e Lalpa;
Mi tawmkailo thlarau pachhia ka ni,
Lungchhir luaithli nulin ka rawn bel i angchhung.
Rui thei em mai min ti

Rui thei em mai min ti

Satu: Lalkima Zote

Hnaptla pur a ruih pawh in amak ngei sim har ka ti,
Ningzu dawn a nilen hi a lo nuam thin em a ni;
Sim leh mai hian ka mawi lo ningzu run ka belh lai chuan,
Mahse, khua ruat lo ni nge ka lo sim leh thei tho chu.

Ka chun leh zua unau ten ka lenrual lungduh te pawn,
Simla nghei tawh rawh min ti vanglai par ang a chuai hma hian;
Engtin nge tiang chherchhur chuan,

Nupui fanau pawh nei mahla i chawm zo dawn em ni min ti,
Sim la nghei teh, nghei tawh teh, Rui thei em mai min ti.


Hna lah thawk peih bawk si lo chhungte lah bum fing zo tawh,
Bat leh ringawt mai lah chu sum tam hlan a ngai leh thin;
Chun leh zua zawng an hlim ngei ningzu bawih tang chhuah meuh chuan,
An lenrual lungduh te pawn lawmpui awm ngei mai an ti.


Sikul ka kal peih lo

Sikul ka kal peih lo

Satu: Alex RBa

Ka nu sikul ka kal peih lo,
Aw ka thiamthei lo si a hrehawm em;
Lehkhazir rawh tih reng mai zawng,
Dikber hian ka hre bik lo.

A thiamthei chi an awm a,
Thiamthei lo chi kan awm a;
Kan dinhmun hi tumah hian,
In dawn chiang lo.

Kan zirtirtu te tak pawh hi,
Ka dem dawn e, ka ngaihdan hian;
Thleihbik nei hian min zirtir a,
Thiamtheilo ho kan lungawilo nasa.

A thiamthei chauh in duhsak a,
A thiamthei ve lo te min hnualsuat a;
Engtinnge maw hetiang te chuan,
Kan thiam reng ang.

Homework thiamlo zingah pawh hian,
Thiam chak tak tak kan tam em;
Vuak tuar tur a sikul lo kal hi,
Kan chak bik lo kan ning em em.

Rum em em min melh a,
Hlau leh khurin kan ding a;
Min hmangaih vang a nih hi,
Kan ring si lo.

Kan duhber chu hei hi a ni,
Lehkhazir san kan duh ve a;
Hmangaihna in min enkawl a,
Puitling turin min chherchhuak em?

Chutin suihlungphang lo ten,
Sikul run kan lo kai a;
Chun leh zuapa thinlai na reng,
A dam ngei ang.
Mi ten an hmu ve lo

Mi ten an hmu ve lo

Phuahtu: Laltanpuia Tochhawng
Satu: Laltanpuia Tochhawng, Famkima, Hmingtea


Bawihte, i hmangaihna aw nem chuanin,
Ka thinlung hliam a thawi dam thin;
I ngilneihna leh rinawmna te chuan,
Nitin min ti hlim thin.

I anka nem chuan min ti lawm thin a,
I lenthla leh kimtlangah chuan;
Hmangaihna eng zun a lo zam chiai e,
Mi te'n an hmu ve lo.


Hmangaihna rinawm lo hian di karah,
Thinlung a ti hliam si thin a;
Mahse, nang zawng i rinawmna vang hian,
Thinlai a phang ve lo.

Damlai hringnun kawng chhuk chho zawh tur leh,
Lungngaih buaina hmachhawn turin;
Tunah hraileng te chawi ve tawh turin,
I tiam ve tawh em le?

Ka hmangaihna hian ka ngen ta che a,
I thinlai pawh tui ang dam se;
Sial ang ka seilenna run chhungah hian,
Kumtluangin par vul rawh.

Hmangaih Jenny

Hmangaih Jenny

Phuahtu: Laltanpuia Tochhawng
Satu: Laltanpuia Tochhawng


Chung khuanu ruat rengin i chun leh zua karah,
Duat te'n i lo seilian, mawiten par ang i vul;
I sakhming kohnaa'n 'Ngaizual' an ti che,
I sakhmel mawi ka tan thlir nin i awm lo.

Mampui, ka duhber che a,
Ka hmangaihber i ni a,
I hmangaihna rinawm i thinlai chhuak ngei chu,
Aw, min hlan ve tawh mai rawh.


Ka chhuang thin che a sin, lengzawng te zingah hian,
Tiang renga sakhmelmawi Khuanu'n a lo duang che;
Aw, kan Zoram hi nang nen fang dun ila,
Tichuan, kei hian zaiin ka awi zel ang che.

Runhmun kan len dun em loh paw'n ka ngen che a,
I kianga chhemdam thli a lo len vel ni leh;
Chung chhawrthlapui leh tlaitla eng mawi te,
Mawizuala an en hian min dawn ve thin rawh aw.

I tawngkam tha chauh chuan thinlai a hnem zo lo,
I thinlung ngaihtuahna te'n min hawi si loh chuan;
Ka dawn lungruk iang hian min dawn ve ni la,
Duh te'n tangah pawmin duh te'n kan infawp tur.
 
Ka lo haw thuai dawn

Ka lo haw thuai dawn

Phuahtu: Laltanpuia Tochhawng
Satu: Laltanpuia Tochhawng, H.Lalrempuia

Hmangaihte lenna chu thlir hian a lang silo,
Mahse, engtiang pawhin kan kar lam hla mahse;
Ka thinlung hmangaihna leh ngaihtuahna te chuan,
An chungah thlazarin a awmpui reng thin.

Mampui, kan hrai duhlai te kha an dam thin maw?
Aw, ka va han ngai thin teh lul em;
Mampui, nang tak pawh kha i ngaihawm thin a sin,
Lungphang reng reng suh aw, ka lo haw thuai dawn.


Aw, ka hmangaih te u, ka duat em em te u,
In lawina run riang te, aw, in zalna laikhum;
Laitual inlenna te mitthla a'n a cham reng,
Lungchim te'n dawn a har, dam phawt mai teh u.

Kan hraite khan ngai hian min au thin awm si a,
Keipaw'n kawlvalenchham kar dan atang hianin;
Ngai em em hian ka dawn, ka dawn thin tawnni tur,
Hmangaihna te kiangah ngei awm ve thei ila.

Hmangaihte tawng lo hian kumtluang awm dawn ila,
Suihlungleng hianin fam ka van chang hma dawn em;
Aw, lungduh te lennaah pawh kan ram tan hian,
Tih theih tawk awm ve hian ka va han ring em.


Min hruai ve ang che

Min hruai ve ang che

Phuahtu: Laltanpuia Tochhawng
Satu: Laltanpuia Tochhawng

Chhimhlei tualnuamah sawn vangkhawpui sakhming mawi,
Chawntlangpui leh Sihtlangpui a awm a;
Aw, chutah chuan Pu Hnuna'n dikna in ro a rel a,
Hmangaihnain duat te'n a enkawl thin.

Hmangaihna a dai ngai lo, rinawmna a ngai reng, 
Hlimna par ang a vul, 
Aw keipawh chutah chuan;
Hmangaihtu leh hmangaih ka zawng ve a duh a ni.
Ka pu, chu hmun i pan leh (dawn) hun chuanin,

Keipawh min hruai ve ang che.

Aw, Chawntlangpui leh Sihtlangpui lung min len tu,
Chuan ila an vangkhawpui tleitiri;
Suihlung ka rualpui ang a hlimte a laitual lengin,
Hmangaihna tupuiah kan pil dun tur.

Vangkhawpui, sakhmingmawi kumtluangin vul reng rawh,
I chhung a leng lungduh zaleng te;
Hmangaihnain suihlung rual se,
Beiseina leh rinawmna dikna te an thuam mawiber lo ni se.

Aw keipawh chutah chuan;
Hmangaihtu leh hmangaih ka zawng ve a duh a sin.


Hmangaihna ka ngen a ni

Hmangaihna ka ngen a ni

Phuahtu: Laltanpuia Tochhawng
Satu: Laltanpuia Tochhawng

Chhaktiang kawl eng zung zauah te khian,
Hmangaihna a awm lo'm ni?
Chhemdam thlifim leh boruak thiang karah,
Hmangaihna a tel lo'm ni?

I thinlung thianghlim,
Tuma la hmangaih ngai lohna ngei khan e;
I hmangaihna lo va tlei zo lo te hian,
Hmangaihna ka ngen a ni.


Ka hmangaihna hian a tuam reng che a,
A zuitu chu rinawmna;
Hmangaihnain ka thlir reng che a,
A nghaktu chu beiseina.

Rinawm te hian, aw, lo awm thin rawh aw,
I rinawm loh chuan maw;
Hmangaih em em che mah ila aw,
Runhmun kan leng dun thei lo'ng.

Aw hmangaihna, hmangaihna,
Aw, ka damchhan ber mai kha;
Aw hmangaihna, hmangaihnain,
Hrui ang ka vuan ang che.
 

18 Apr 2015

Hmangaihna mittui

Hmangaihna mittui

Satu: Joseph Zaihmingthanga

Tinkim ka han dawn thin a,
Thinlaiah a thar leh thin;
Nang nen a suihlung rual a lenlai,
Nghilh thei hian ka mawi nemaw.

Aw, khawiah nge min hnemtu kha?
Ka zawng thin che a, lenrual zingah;
Hmangaihna mittui leh pangpar,
I tan rimtuiah ka hlan che kha;
Tunah a thlawn mai an chang leh si,
Tuar thiam a har, aw, a na,
Hrilh ka hai ngei e, lunglam ka vai.


Lenrual te chu chhailai di nen,
Hlimte'n an leng, an nui hiau e;
Min dawn pui lo ka chan khua ruai,
Sulhnu chhuiin ka vai leh si.

Khartung sawnin in run sangah,
Lawi leh ka nuam i kiangah ngei;
Kan zalna laikhum thlehnem hi,
Mahte'n ka chul zan tlai nemah.


Chuailo parmawi

Chuailo parmawi

Phuahtu: Lalthanzauva (Zodi)
Satu: Lalhlunmawii(Zodi), Zodithangi, Zomuanpuii

Mah te'n lentupui karah a hawi vel di ngaiin,
Zun zai sa hianin ka au ruai e;
Tuar thiam a har e, tinkim ka dawnin,
Thinlai min hnemtu chuailo par mawi.

Sawithiam a har e, hrilh thiam a har,
Tuar ve tak ang maw kei ka di ve khan..lunglen hi;
I di ngai ve hian em ni, lelte, i kiu ruai le?
Kar a hla mang e di auh nan zawng;
Ka tuar thiam lul lo, aw, ka ngai em che,
Thinlai min hnemtu chuailo par mawi.

3 Apr 2015

A va na em

A va na em

Phuahtu: Paul Liansanga
Satu: Lalmuankimi (Mki)


Kan Lalpa ngei chu hmusitna authawm nen,
An zawh pui e Kalvari lamtluang chu;
Chhantu nei lovin ka Lalpa duhtak chu,
Fam a lo chang a hming luruh hmunah.

A va na em ka Lalpa tuarna chu,
Nun neilo te tan nunna a ni si;
Hmangaih vanga Lalpa thilthlawn pek chu,
Kan thlarau tan nun tawp lo chu a ni.


Sualchhumpui ten bang lovin min hual vel a,
Chapo na ten a hliah ka Lal hmel chu;
Mahse tawngtai thil tihtheihna avang chuan,
A lo lang thin ka Lal hmel duhawm chu.

Sual kawng zawhin lo bawhchhe thin mah ila,
A vul reng si Lalpa hmangaihna chu;
Kan sualna te angin min thungrul silo,
A va mak em Lalpa hmangaihna chu!

Chung muvanlai

Chung muvanlai

Satu: Albatross, Grace Lalchhanhimi

Tuipuiral rammawi chu ka thlir thin,
Ka lungkham ram ngaiin ka thla a van ruai e;
Rinna thla in va len ka nuam,
Thinlai rilah ngaihni a bang thei lo.

Min thlen la, lung a dam ngei ang,
Ka pan zel dawn khuanu ruat hmun chu;
Ngai chung zela nunhlui hnutiang chhawnin.
Lo leng la, aw! ka chung muvanlai,
Min hruai la, thlawk in thangvansang ah;
Chhingmit chhin zai rello ten ka kuah nang che,
Kawlni eng tur chu thlir in ka bel nang che lungdam ten, chung muvanlai.


Lungduh te nen hlimten lenza ka nuam,
Ka dawn ngam lo lenrual te nen lawmlai ni te;
Mahse, zanmu ka chhing thei lo,
Nunthar ngaiin ka thla a tuihal si.

(refrain)
Lo leng la, aw! ka chung muvanlai,
Min hruai la, thlawk in thangvansang ah;
Chhingmit chhin zai rello ten ka kuah nang che,
Kawlni eng tur chu thlir in ka bel nang che lungdam ten, chung muvanlai.


25 Mar 2015

Tha ainawni

Tha ainawni

Phuahtu: Vanthanga
Satu: H.Lalthakima

Engtikah nge nang ngaih lunglen,
Puan ang ka hnawl ni lo thleng tur chu?
Hmangaih in hmangaih a rawn hlan,
Hmangaih in hmangaih lo chhang ang che.

Nang ngai a lunglen ka bang dawn lo,
I zunleng ngai min han dawn la;
Min ti riang lul suh 'Tha Ainawni'.

Enteh mi u, siar mah khian,
Lungrual ten thangvan zawl an mawi e;
Keipawh mi u lung min rual la,
Runhliap ah nau ang i nui dun ang.

Thinlai dengtu, thinlai luahzo,
Ka tan piallei pawh a riang awm e;
Ka hmangaihna a chuai si lo,
Piang lo zawk la kei ka dam awm e.

Dawn hian dawn luat a awm nemaw,
I ngaih hian ngaihluat a awm silo;
Khuanu tuah loh lungrun nang nen,
Kan inthen ni tur a thleng ngei ang.

Leng zawng an tam khuavela hian,
Mahse, nang ang min hnem an awm lo;
Ka bang thei lo nang ngaih lunglen,
Tap in luaithlipui ka nul ngei ang.


Di hlui ngaih

Di hlui ngaih

Satu: H.Lalthakima

Nghilh zawng i har ngei e,
Di hlui sam ang then hnu;
Lairil a fan lunglen a zual zel,
Nang vang in.

Khuarei kumsul veiin,
Mawiten romei zam e;
Di hlui nang ngaih lai a zual leh thin,
Suihlung a leng vawng vawng.

Nghilhni awm tak ang maw,
Nang nen a kan hlim lai;
Ngaiin ka au,
kir leh reng hian n mawi silo.

Tawn leh ka nuam ngei e,
Di hlui sam ang then hnu;
Tunah zamual liam in,
An thamral zo ta si.

ST hmeltha

ST hmeltha

Satu: H.Lalthakima

Chhingmit hawngin ka hawi vel a,
Ka tawng ta chhingkhual sakhmeltha;
Ami zaleng zawng te khumtu,
Chhingmit thla an a cham reng mai.

Aw min hlan se hmangaih biahthu,
Chutin nau ang tahlai bang in;
Ka tan khuavel a par ngei ang,
Ka ngen che enchimloh ST.

I zeizia in biahthu min hlan,
Anka nemten min hlan mai la aw;
Chutin dawn tam lunglen bangin,
Nau ang nuih zai ka rel ngei ang.

Thinlai rukah hmangaihna chuan,
Ka thlang ber che ST hmeltha;
Nangpawn kei ianga  hmangaihna,
Min hlan ve hun ka nghakhlel e.

24 Mar 2015

Nundan ka lo thiam ta

Nundan ka lo thiam ta

Phuahtu: Lalropuia Sailo
Satu: Michael VL Rema

He khawvel ah ringtu zawng an tam ngei e,
Mahse, ringtu nundan thiam an tlem ngei e;
Mahse, phurrit phur leh nun chawllo te tan,
Nundan thiamna zirtirtu Isua a ni.

Nundan ka lo thiam ta,  nundan ka lo thiam ta,
Min zirtirtu Lal Isua amah ngei a ni;
Lungawi zel ka ching ta, lungawi zel ka ching ta,
Lungawina min thlentu pawh Isua a ni.

Sum leh pai hausakna duhamna te hian,
Chin lem a nei silo, lungawi tawk a har;
Retheih pachhiat pawh hi Isua tello chuan,
Tuar thiam dan a awm lo, lungawi tawk a har.

Retheih dan ka thiam ta, hausak dan ka thiam ta,
Tlai leh puar, riltam a awmdan ka thiam ta;
Min hmangaihtu Lalpa ka engkim a ni,
Min tichak tu ah chuan engkim ka ti thei.