25 Mar 2015

Tha ainawni

Tha ainawni

Phuahtu: Vanthanga
Satu: H.Lalthakima

Engtikah nge nang ngaih lunglen,
Puan ang ka hnawl ni lo thleng tur chu?
Hmangaih in hmangaih a rawn hlan,
Hmangaih in hmangaih lo chhang ang che.

Nang ngai a lunglen ka bang dawn lo,
I zunleng ngai min han dawn la;
Min ti riang lul suh 'Tha Ainawni'.

Enteh mi u, siar mah khian,
Lungrual ten thangvan zawl an mawi e;
Keipawh mi u lung min rual la,
Runhliap ah nau ang i nui dun ang.

Thinlai dengtu, thinlai luahzo,
Ka tan piallei pawh a riang awm e;
Ka hmangaihna a chuai si lo,
Piang lo zawk la kei ka dam awm e.

Dawn hian dawn luat a awm nemaw,
I ngaih hian ngaihluat a awm silo;
Khuanu tuah loh lungrun nang nen,
Kan inthen ni tur a thleng ngei ang.

Leng zawng an tam khuavela hian,
Mahse, nang ang min hnem an awm lo;
Ka bang thei lo nang ngaih lunglen,
Tap in luaithlipui ka nul ngei ang.


Di hlui ngaih

Di hlui ngaih

Satu: H.Lalthakima

Nghilh zawng i har ngei e,
Di hlui sam ang then hnu;
Lairil a fan lunglen a zual zel,
Nang vang in.

Khuarei kumsul veiin,
Mawiten romei zam e;
Di hlui nang ngaih lai a zual leh thin,
Suihlung a leng vawng vawng.

Nghilhni awm tak ang maw,
Nang nen a kan hlim lai;
Ngaiin ka au,
kir leh reng hian n mawi silo.

Tawn leh ka nuam ngei e,
Di hlui sam ang then hnu;
Tunah zamual liam in,
An thamral zo ta si.

ST hmeltha

ST hmeltha

Satu: H.Lalthakima

Chhingmit hawngin ka hawi vel a,
Ka tawng ta chhingkhual sakhmeltha;
Ami zaleng zawng te khumtu,
Chhingmit thla an a cham reng mai.

Aw min hlan se hmangaih biahthu,
Chutin nau ang tahlai bang in;
Ka tan khuavel a par ngei ang,
Ka ngen che enchimloh ST.

I zeizia in biahthu min hlan,
Anka nemten min hlan mai la aw;
Chutin dawn tam lunglen bangin,
Nau ang nuih zai ka rel ngei ang.

Thinlai rukah hmangaihna chuan,
Ka thlang ber che ST hmeltha;
Nangpawn kei ianga  hmangaihna,
Min hlan ve hun ka nghakhlel e.

24 Mar 2015

Nundan ka lo thiam ta

Nundan ka lo thiam ta

Phuahtu: Lalropuia Sailo
Satu: Michael VL Rema

He khawvel ah ringtu zawng an tam ngei e,
Mahse, ringtu nundan thiam an tlem ngei e;
Mahse, phurrit phur leh nun chawllo te tan,
Nundan thiamna zirtirtu Isua a ni.

Nundan ka lo thiam ta,  nundan ka lo thiam ta,
Min zirtirtu Lal Isua amah ngei a ni;
Lungawi zel ka ching ta, lungawi zel ka ching ta,
Lungawina min thlentu pawh Isua a ni.

Sum leh pai hausakna duhamna te hian,
Chin lem a nei silo, lungawi tawk a har;
Retheih pachhiat pawh hi Isua tello chuan,
Tuar thiam dan a awm lo, lungawi tawk a har.

Retheih dan ka thiam ta, hausak dan ka thiam ta,
Tlai leh puar, riltam a awmdan ka thiam ta;
Min hmangaihtu Lalpa ka engkim a ni,
Min tichak tu ah chuan engkim ka ti thei.

21 Mar 2015

All these years (The Chosen)

All these years (The Chosen)

Composer: R.Lalremruata (Parema)
Band: The Chosen

I look back on all those years,
To see how far I've come and grown;
I took a trip down memory lane,
And what I see how joy;
But every step I've taken,
From my childhood till this day;
You've been there by my side,
You always there for me.

*And through it all,
It took so many years just to know; 
What you mean to me,
Thank you for those blessed years;
You're my own, 
I don't wanna live my days without you,
I love you Lord;
Really ain't no words, strong enough to let you know,
What you mean to me through all these years.

You put me up when I fall,
You gave me strength to stand again;
As the cold wind blows you embrace me,
With your warm and gentle soul,
You've touched my life,my heart and soul;
in so many different ways,
You've made me who I am and what I am today.

(Repeat *)

I look back on all those years,
To see how far I've came and grown.

20 Mar 2015

Indona

Indona

Phuahtu: Rev.H.Killuaia
Satu: Mizoram Synod Choir

Indona zawng a rapthlak ber ka nun hi,
Lehlam lehlam ah neksawr in a awm a;
Van indona aia nasa zawk a ni,
Hruaitu Krista nih suh se ka tlawm ngei ang.

Krista mi hruaitu hnehtu Lal ropui chu,
Ka chakna leh ka thiltihtheihna a ni;
Ka zam ngai lo'ng Setan ral hma ah,
Hnehna chu ka ta a ni tih ka hria.

Lehlam lehlam ah lungawi tum a nun hi,
Mahni himna tur a tih nimahsela;
Chhiatna za khua thlentu mai a lo ni si,
Tuilairapa awm an dingchhuak ngai love.

Aw, ka nun rimchhia hi ka va han ning tak em,
Mahni chu inpawh hram hram thei mah ila;
Thianghlimna Pathian chuan a thei ve silo,
Min ti thianghlimtu Lal thisen i tello chuan.

Ka lawm e Lalpa, i thisen avangin,
I angchhung ah ka muang (lungsi in);
Ka tan i hlu thildang zawng aiin,
Ka Lalpa thisen min ti thianghlim tu.

A rem ve si lo

A rem ve si lo

Phuahtu: Jeremy Zobiaka (JBa)
Satu: Zorinzuali Khiangte

Aw, ka dawn in senhripari,
Ka hlimnaber ni mahla;
Run hmun a kan len dun hi,
A rem ve si lo.

Nitin in ka ngai zual che,
Hmangaihna ka hrethiam lo;
Run hmun a kan len dun hi,
A rem ve si lo.

Aw, engan ka lo tawn che, 
Ka tahna ti tam mai tur;
I lo ni e.

Romei zam a kai chiai e,
Lungdam na a awm si lo;
Siktui emni luang dem dem,
Ka biangah hian.

Chunnun dam ten min chawi lian a,
Hmangaihna ka hrethiam lo;
Lungngaihna mai a lo ni,
Kei ka tan chuan.

Aw, engan ka lo tawn che, 
Ka tahna ti tam mai tur;
I lo ni e.

Lengdang tanglai a bei ang che,
Mahse, kei zawng ka nghilh lo'ng che;
Fam dairial chan thleng pawh in,
Ka hmangaih ang che. (Fam damrial thleng in)

Pialral ram mawiah min nghak la,
Thuro iang in kawp te in;
Kan leng dun ve tawh ang a;
Hmangaihna ramah chuan.

Aw, engan ka lo tawn che, 
Ka tahna ti tam mai tur;
I lo ni e.

Kutphah mawi (INC/Congress party hla)

Kutphah mawi (INC/Congress party hla)

Satu: KC Runremsangi

Aw Mizoram, suihlung phang lo ten,
Ding reng ang che khuanu leng zarah;
Chhantur che in Mizoram Congress,
Party pui ber tui ang kan lo lian.

Zam lovin i kal zel ang u,
Lalpa'n min hruai zel ang a;
Zoram thimchhah ber sukiang turin,
Zoram Congress lo chu an awm lo.

Tudang, pawldang reng kan ngai billo,
Zoram kalsiam pawl lianber te hian;
Party dang reng in min sel lo u,
Kan sang zel dawn Mizoram tluan ah.

Mizoram Congress party lo chu,
Remna leh muanna a awm si lo;
Party dangah zawng zawng ve mah la,
An awm chuang lo kan ram leh hnam tan.

Kan party symbol i hre tawh em?
Kutphah mawi tak Zoram chhantu tur;
Hetah ngei hian han chhu ve mai teh,
Bawih ata a hruai chhuak ngei ang che.

15 Mar 2015

Ka hawikir lo'ng

Ka hawikir lo'ng

Satu: Redemption Singers

Ka chhandamtu ka hmuh hma chuan in,
Sual rit phur in thimzingah ka vak a;
Tunah a hnen ka pan anin min lawm,
Malsawmna tinreng in min vur ta.

Ka hawikir leh tawh lo'ng,
Nitin in min hruai a;
Ka hawikir leh tawng lo'ng,
Ka chhandamtu'n min hruai zel dawn si.

Nitinin ama rawng ka bawl ang,
Thlarau bo te a hnena hruai zel in;
Kalvari thisen luangchhuak chu,
Keimah ang misual tan a ni si.

Lungngaihna kawng ka zawh lai pawhin,
Ka Lalpan lawmna famkim min siam sak;
Ka kalchawi tin ama thu ni zel in,
Ka hawikir lo'ng sualna thim zingah.