7 Mar 2024

 Chhaktiang chhawkhleipari

Chhaktiang chhawkhleipari

Phuahtu: Neihliana
Satu: Sailothangi Sailo, Bzi Chhangte


Tlang zamualpui ka liam thei dawn lo,
Nghilh loh Thangnunnemi zun ngaiin;
Zan tlai siang lawina run ka lo vai,
Luathlinul sam ang inthen niin.

Dam takin aw, chhaktiang chhawkhlei par iang,
Tawn leh ni awm ang maw nang nen;
Suihlunglen biahthu ka hrilh hman lo,
Luaithlinul sam ang inthen niin.


Ka zuam lo kumtluang nang then reng hi,
Hlim lai par ang chul hnu dawn changin;
Ngaihlungrun, chawn ban ka vuan ang che,
Luaithlinul sam ang inthen ni hian.

Chhawrthlapui eng riai hi ka tan chuan,
Phu loh di ngaih lai a tizual e;
Dam takin chawn ban ka vuan ang che,
Luaithlinul sam ang inthen niin.


3 Mar 2024

 Hmangaihna

Hmangaihna

Phuahtu: Rpa Ralte
Satu: Bzi Tochhawng


Duhlai, nang nen kan intawn kha,
Tiang reng hi ka dawn ngai lo;
Lenrual zingah hlim te'n chaiin,
Mahse, kan lo lut thuk ta lua a lo ni.

Hmangaihna liah zuang lutin,
A thukzia kan hre mawlh si lo;
Tunah erawh ka pil zo ta,
Eng vang kher nge ka lo tawn che,
Mampui, engti zia nge, hlim te'n kan lenlai khan,
Ka tleirawl thinlung thianghlim,
Min lo ruk sak mai le.


Hmangaihna awmzia min hrilh rawh,
Engtianga thuk nge min hrilh rawh;
Kei zawng ka dawn ve phak lo ve,
Mahse, a i emaw ariang hi azunah ka uai.

Hmangaihna hi zawng atna mai,
Tunge a zunah uai duh ang le?
Mahse, hringmi leng zawng zingah,
Tu'n nge hmangaihna chungah thu nei thei le?

 Ka awi nang che

Ka awi nang che

Phuahtu: PC Lalthakima
Satu: H Lalmuankimi (Mamuani)


Zoram nuam duhawm, thing tin par vulna,
Hram thiam va tinreng te tuallenna,
Chung Khuanu kutchhuak reng i lo ni e,
Rimawi tinreng nen kan awi nang che.


Zofa leng ten kan thlang che,
Ram dang zawng zawng aiin;
Kan pian kan seilenna ram ngei hi,
Thlang kawrvai leh sappui mingo karah,
Kan chawi zel dawn i sakhming.

Lenrual zawng te u, i dawn chiang ang u,
Khuanu leng thil thlawn pek Zoram hi;
Hei lo hi ram dang Zofate tan,
A awm lo khuavel ram zauah hian.

Han thlir vel teh u, a tlang leh mual hi,
Thing tin par romei a zam chiai e,
Tlaitla eng riai hnuaiah, nungcha tinreng siang lawina,
Tukloh ram chul mai tur ka ngai ngam lo.