Sunday, 8 February 2015

Engmahin a chhang lo

Satu: Vohbik

Gethsemani hmun chu an lo thleng a,
Venpui turin Isuan a sawm vel e;
Rilru lungngai thihna khawp tuar in,
Abba nangma thu ni rawh se a ti.

Venpui tur a sawm ten menpui silo,
A tawk tawh e a hun a thleng dawn ta;
Man tir tu tur chu a lo hnai e,
Rabbi tiin chhinchhiahna chu a hlen ta.

Khandaih leh talhtum nen Lalpa an chhawm,
Venpuitu ten hlau in an thlahthlam ta;
Tihhlumnan dawt a hekin an chhawn,
Krista Pathian fapa i ni em? tiin.

Engmah in i chhang lo maw, an hekna che zozai hi?
Tualthatu Baraba hi nge, Juda te lal hi ka chhuah dawn?
Juda te lal an tih a hi, engtin nge ka tih tak ang le?

Sipai hoten nuihza siam nan an hmang,
Hlinglukhum an khum tir puansenduk nen;
Chilchhak in chibai elsen an hlan,
Chibai Juda te lal tiin an nuihsan.

Golgotha hmun chu an lo thleng a,
Bawhchhetute zingah an chhiar tel e;
Juda te lal tih hekna tarin,
Suamhmang pahnih karah chuan an khengbet ta.

Kraws ata lo chhuk ta che,
Mite tidam thin tu chu Krista chu i ni lo em ni?
Keni pawh min tidam ve ta che
Midang mah a ti dam thin a, mahni a intidam thei silo.

Engmah in a chhang lo maw an hekna zawng zawng zozai kha?
Ka Lalpan thiamthu a sawi theilo i thiamlohna leh kei vang a lo ni;
Ka Pa engah nge min kalsan tia thlaphang a au kha,
Kan sual man bat a tlak zo ta Pa lung a awi ta e. (2)

2 comments:

  1. A tawp a tawp ah chuan ka zawng hmu ta hlawl mai.. ka va lawm em Lalpa

    ReplyDelete
  2. A tawp a tawp ah chuan ka zawng hmu ta hlawl mai.. ka va lawm em Lalpa

    ReplyDelete