19 Nov 2018

Tu nge in thlei thei?

Phuahtu: K Hminga
Satu: K Hminga


Ram leh kohhran a hruaitu mi rawnkai te,
Zahawmna dawhsan a ding a felna hmaikawr vuah a;
Biakbuk thianghlimah leh pisa ropui a afawng vuantu chanchang,
Thiltitheitu nih vang a diklohna thup ching te,
Rawngbawlna sang chelh vang a dik ber a in ngai,
Thihna hmaah angkhat a kun za theuh tur hi,
Tu nge inthlei thei?

Zirna hrut sang hrut chhuak a thiamna lehkha mawi karah,
Finna aia chapo na zirchhuak hretam ber a inchhal;
Inthiamna hriam khan mi a hliam,
In vanneih a siam in rawnkai in chang leh si,
Dinhmun thatna atanga mi hmuhsit ching te,
Thiamna sang tak atanga mi chungtlak ching,
Thihna hmaah angkhat a kun za theuh tur hi,
Tu nge inthlei thei?

Daikil kawm kara seilian pa mawlmang leh hriat tlem,
Aw, changkanna thlifim pawh dawng lova an ngaih saw;
Lei ropuina lamah leh hausakna tehfung a,
Rethei, pachhia chanchang saw,
Aw, siamtun duhten a duan hringmi a nihna saw,
Lei ropuina thuam thuahriat aiin a hlu,
Hausakna leh ropuina te pawh hi a tehtu a zir a ni.

Nang mihring, i mihring mihrinna kha thlir la,
Ngaihtha tak a famsan tlak damchhan i nei em?
Thihna hmaah angkhat a kun za theuh tur hi,
Tu nge inthlei thei?


18 Nov 2018

Hnawl i ni

Satu: Triau Trackx

1-2-3 dawt dang sawi leh a tum,
Ka hre vek, ka hre vek,
Min bumna ngaiah min tluknawn tir a tum,
Ka hmu lawk vek, ka hre vek,
Heh! min tlawn, min thlem, min tham,
Min vau, min tiam, angai bawk,
Mahse, kei chu ka danglam tawh,
Khawingaih min dil a thingthi mawle mittui nen,
Mahse, kei chu ka danglam tawh dawn lo.

Hmangaihna hmel tibal tu,
Rinawmna ti mualphotu i ni,
Ka pawi i sawi, kan pawi i sawi.
Chunglam pawi i sawi, i sawi pawi lo a awm lo,
Pen khat pawn min rawn hnaih tawh su.


I duh han sawi leh la, ka ti lo chak tawh,
Sawi leh la, han sawi leh la,
Thutiam kawrawng nen min han thlem leh la,
Ka awihlo chak tawh i chak dawn lo,
Ka ten, kan ten, i awmdan hi kan ten,
Sawtah, sawtah va tenawm rawh,
I hmel, i zia, i engkim hi kan ten,
Penkhat pawn min rawn hnaih tawh suh.

Hmanah chuan ka thlang thin che,
Mahse, tunah chuan sawtah, sawtah hnawl i ni,
Midang hnawl in ka thlangber thin che,
Mahse, tunah chuan hnawl, hnawl i ni,
Tunah chuan hnawl i ni.

Min tlawn, min thlem, min tham,
Min vau, min tiam angai bawk,
Mahse, kei chu ka danglam tawh,
Heih! ka ten, kan ten, i awmdan hi kan ten,
Penkhat pawn min rawn hnaih tawh suh.

Hmanah chuan ka thlang thin che,
Mahse, tunah chuan sawtah, sawtah hnawl i ni,
Midang hnawl in ka thlangber thin che,
Mahse, tunah chuan hnawl, hnawl i ni,
Tunah chuan hnawl i ni, kiri!

12 Nov 2018

German ral run zai

Satu: Helen Zaithankungi, KC Runremsangi, H Vanlalhlana, Zioni Renthlei, Lunglei Bazar veng branch YMA Zaipawl

Sikin manding sap, i lungmawl e, i lungmawl e,
German rallian tawnin tir suh ka lungdi;
Chheih! ka suihlungleng tur i dawn love,
Dawn love maw, thiani, dawn love, dawn love,
German rallian tawnin tir suh ka lungdi,
Chheih, ka suihlungleng tur i dawn love.

Vai vai tak kan fan, a ril tual tual, a ril tual tual,
Sappui siam sa riruai relah kan chuang e;
Chheih! lungkham thanghniangi a tel ve lo.
Tel ve lo maw, thiani, tel ve lo, a tel ve lo,
Sappui siam sa riruai relah kan chuang e,
Chheih! Lungkham thanghniangi a tel ve lo.

Famkhua em kan luh, ka lunglam vai, ka lunglam vai,
Ngaihban tlang pui a hnuai pial lungrem karah;
Chheih! a mawi dar leilawn a chiar nghian e,
Chiar nghian e maw, thiani, chiar nghian e, a chiar nghian e,
Ngaihban tlang pui a hnuai pial lungrem karah,
Chheih! a mawi dar leilawn a chiar nghian e.

Ka nu, tap ruai in mi ring lo la, mi ring lo la,
German rallian kulhpui kan han tawn ni chuan;
Chheih! a surin ngen mu a sur sung sung,
Sur sung sung maw, thiani, sur sung sung, a sur sung sung,
German rallian kulhpui kan han tawn ni chuan,
Chheih! a surin ngen mu a sur sung sung.


Eloi, Eloi

Phuahtu: Joseph Zaihmingthanga
Satu: Lalrinhlui Tlumang


Eden bawhchhiatna vanga thiamloh chang tawh te,
Ran thisen a thawi na zawng a tawk lo;
Thiam kan channa turin ama nun ngei a hlan,
Anchhedawng kraws chu thih nan a rawn thlang ta.

Enteh, Kalvari tlang a hliam tuar saw,
Nun tam kan lo neihna turin,
"Eloi, Eloi, lama sabakthani?"
Tiin thlaphangin a au e.


Kan bawhchhiatna vanga thi kan nih lai khan,
Ama thisen ngei chuan min tlanchhuak a;
Krista felna chu kan thuam lo niin,
Pa thinlungah chuan thiamchang kan lo ni ta.

Tupawh anchhedawng kraws pu ten,
An hringnun khawvel hnutiang chhawnin;
Lei ropuina leh thil tihtheihna te,
Hnawmhne angaiin kraws chauh an chhuang thin.


Lungdumtu

Phuahtu: Faith Lalduatmawii
Satu: Fakmawia Fanai & Faith Lalduatmawii


Lungdumtu, aw, ka lungdumtu, i tangah bei a nuam,
Zaleng tan a mawi angai lo nangin tha min tih chuan;
Miten hrethiam ve lo mahse kan kar a buai chuang lo.

I anka ri dar hrui an ava mawi bik em,
I awrawl pawh khuanun a chei mawi em ni le;
Lungdumtu, aw, ka lungdumtu, i tangah bei a a nuam,
Zaleng dang tan a mawi a ngai lo nangin tha min tih chuan,
Miten hrethiam ve lo mahse kan kar a buai chuang lo.

I sakhming an sel samang then zai ka rel phah lo,
Tlangrel i phur hian i duhawmna a nemnghet thin;
Lungdumtu, aw, ka lungdumtu, i tangah bei a a nuam,
Zaleng dang tan a mawi a ngai lo nangin tha min tih chuan,
Miten hrethiam ve lo mahse kan kar a buai chuang lo.

Kan tiamthu zawng te rinawm te khan in lo vawng la,
Khawvel hnungchhawn a riahrun kan remdun ve theih nan;
Lungdumtu, aw, ka lungdumtu, i tangah bei a a nuam,
Zaleng dang tan a mawi a ngai lo nangin tha min tih chuan,
Miten hrethiam ve lo mahse kan kar a buai chuang lo.

Lungdumtu, aw, ka lungdumtu, i tangah bei a nuam,